O’zbekistonda 21 yoshli qizni unashtirib, so’ng uning qarindoshlaridan pul undirgan firibgar Astanada qo’lga olindi, deb xabar beradi Polisia.kz.
Xabar berilganidek, poytaxt politsiyasi MDH davlatlari bilan hamkorlikda 15-16 mart kunlari keng ko’lamli «Qidiruv» tadbirini o’tkazdi. Tadbirning birinchi kunida Astana shahrida 8 nafar jinoyatchi aniqlanib, qo’lga olindi. Yo’qolgan 3 nafar fuqaroning joylashgan joyi aniqlandi.
Davlatlararo qidiruvga berilgan ikki xorijlikdan biri o’zbekistonlik ayoldir.
«Xalqaro qidiruvda bo’lgan 23 yoshli o’zbekistonlik qizning shaxsi aniqlandi. U qarindoshiga unashtirgandan so’ng 21 yoshli qizni uyidan olib ketgan. Keyinroq u qudalaridan shantaj yo’li bilan pul talab qilgan», — deyiladi politsiya xabarida.
42 yoshli O’zbekiston fuqarosi firibgarlik qilib, poytaxtda yashab kelgan. Samarqand shahrida bir kishini ishga joylashtirishni va’da qilib, 1 million 400 ming so’m pulini o’g’irlab ketgan.
Hozirda ism-shariflari tilga olingan har ikki gumonlanuvchi vaqtinchalik saqlash hibsxonasiga saqlanmoqda. Ekstraditsiya masalasi hal qilinmoqda.
