Ayol dugonasiga hasrat qilyapti:
— Dugon, ishonasanmi, birdaniga ikki erkak bilan uchrashyapman. Ammo qay birini tanlashni bilmay boshim qotdi.
— Qalbing nima deyapti?
— Qalbimmi?.. Qalbim: «Tez bu hunaringni yig’ishtir, ering bilib qolsa kallangni oladi», deyapti.
* * *
Erkak do’stiga dedi:
— Bugun umuman uyquga to’ymadim.
— Sabab?
— Sabab ham umuman uyquga to’ygani yo’q.
* * *
Qiz yigitga qo’ng’iroq qilib dedi:
— Menikiga kelib kompyuterimga yangi vindovs o’rnatib bering!
— Ie, kompyuterni bugun sotib olding-ku, jinnivoy! Vindovsing yangi! Ming yilga yetadi hali!
— Qanaqangi ovsarsiz? Ishoraniyam tushunmaysizmi?
— Ha-a, o’zing mustaqil vindovsingni o’rnata olmaysan-u, men ovsarmanmi?
* * *
Vrach:
— Bemor, qani, tizzalaringizni buking-chi!
Bemor:
— Qay tarafga qarab bukay?
* * *
Xotin eriga dedi:
— Esingizdami, ikkalamiz tanishgan kunimiz kechasi momoqaldiroq gumbirlab, chaqmoq chaqib, hammayoq yop-yorug’ bo’lib ketgan. Ketidan sharillab sel quyib, bo’ron turgandi?!.
— Ha-a, esimda… Men ahmoq o’shanda ona tabiat jiddiy ogohlantirayotganini payqamabman.
* * *
Yoshi 90 dan o’tgan qariya yorug’ dunyo bilan vidolashish arafasida. 85 yoshli kampiri so’radi:
— Otasi, bir umr ikkalamiz birgalikda mashina sotib olamiz deb yiqqan pullarni nima qilay?
— O’sha pullarni nabiralarga bo’lib ber, shokolad olib yeyishar!
* * *
Xotini uyga kech kelgani uchun urishavergach, er unga qarab baqirdi:
— Jim bo’l! Menga baqirma! Uxla!
— Uxlayman, lekin jim bo’lmayman!
* * *
Militsiya xodimi uyini o’g’ri urgan ayoldan so’radi:
— Uyingizni o’g’rilar ag’dar-to’ntar qilib tashlagan bo’lsa, nega kech xabar berdingiz?
— Men oldiniga erim toza ko’ylak qidirganmikan deb o’ylabman.
* * *
— Yemaydi, ichmaydi, lekin o’sishdan to’xtamaydi. Bu nima?
— Narx-navo.
* * *
— Oshna, mana shu filni bir milyonga sotib oling!
— Bu nima deganingiz? Men bor yo’g’i ikki xonali kvartirada yashasam, shunday katta filga joyni qaerdan topaman? Nima berib boqaman? Yo’q…
— Bo’pti, o’sha pulga ikkita fil beraman.
— Bu boshqa gap.
* * *
Mijoz rassomning bir asarini sotib olmoqchi bo’ldi. Xursand bo’lgan rassom unga dedi:
— Didingiz ajoyib ekan. Men bu rasm uchun o’n yil umrimni sarflaganman.
— Nahotki, bittagina shu rasmni o’n yil davomida chizgan bo’lsangiz?
— Yo’q, rasmni aslida bir kunda chizib bo’lganman. Qolgan vaqtni uni sotishga sarflaganman.
