***

Ikki tanish uchrashib qolib zavjalari haqida gaplashishayapti:

— Xotinim o’zining eski yubkasidan menga bo’yinbog’ tikib berdi.

— Meniki bo’lsa, eski bo’yinbog’imni qaerdandir topib olib, o’ziga yubka tikib olibdi.

***

Er:

— Bu qanaqa ovqat o’zi? Ichida go’sht umuman ko’rinmaydi-ku!

Xotin:

— Men bu ovqatni buvingiz rahmatlining taomnoma kitobi asosida tayyorlaganman.

Er:

— O’sha kitobda nima deb yozilgan ekan?

Xotin:

— “O’n tiyinga go’sht oling!”, deb yozilgan ekan.

***

Er xotiniga dedi:

— Xuddi ahmoqlarga o’xshab gapirasan-a!

— Men sizga tushunadigan qilib gapirayapman.

***

Er xotini bilan janjallashib qoldi-yu, kutilmaganda kiyimlarini yig’ishtirib dedi:

— Men ketayapman! Sen bilan yashagandan ko’ra, ko’chalarda o’lib ketganim yaxshi.

Oradan hech qancha o’tmay u uyga qaytib keldi-da, dedi:

— Omading bor ekan! Tashqarida jala quyyapti.

***

— Xotining bilan yana urishdingmi?

— Shunaqa xotin bilan urishmay bo’larkanmi? Qachon qarasa, gapimning teskarisini gapiraveradi.

— Qanaqasiga?

— Masalan, kechqurun uyga kelib: “Xayrli kech!” desam, u menga qovog’ini uyib qaraydi-da: “Xayrli tong!” deydi.

***

Erkakning eski tanishi mehmonga keldi. Uy egasi xotiniga yuzlanib dedi:

— Oyim, quyoshim! Iltimos, choy olib kelgin!

Birozdan so’ng:

— O’zimning quyoncham, ovqatni suzgin!

Shunda mehmon dedi:

— Qara, xotining bilan ko’p yillardan beri birga yashaysan-u, haliyam quyoshim, oyim, quyoncham deb erkalaysan-a! Sevgi bo’lsa shunchalik bo’lar-da!

— Qanaqa sevgi? Bundan besh yil oldin uning ismini unutib qo’yganman.

***

Muxbir o’tkinchidan so’radi:

— Ayting-chi, siz ayol va erkak orasida tenglik mavjud bo’lishiga qarshi emasmisiz?

— Men-ku, qarshi emasman! Ammo xotinimdan ham so’rab ko’ring-chi! U bunga yo’l qo’yarmikan-yo’qmikan?

***

— Dadasi, gazetada yozishlaricha, beva ayollar yaxshi uy bekasi bo’lisharmish!

— Nima, endi sen yaxshi uy bekasi bo’lishing uchun o’zimni osaymi?

***

Eri yangi palto olib bermagan xotin dedi:

— O’lib qolaman. Ana unda sizga o’limim paltodan o’n barobar qimmatga tushadi!

— To’g’ri. Lekin men bir marta xarajat qilaman. Keyin ortiqcha sarflar hech qachon bo’lmaydi.