— Yo’q!
— Nega ko’zlaringizni yumib olgansiz?
— Ko’z nurimni asrayapman…
* * *
Bir talaba yigit ertalab nonushta qilib, telefoniga o’rnatilgan “TashBus”da avtobus qachon kelishini qarab o’tirsa, buvisi debdi:
— Bolaginam, nima qilyapsan?
— Avtobus kutyapman, — javob beribdi nabirasi.
Buvisi nabirasini ahvolidan xavotir olib:
— Bu telefon o’lgur yoshlarni aqldan ozdirmasaydi. Oshxonadayam avtobus kutadimi?! — dermish.
* * *
Juma kuni kechqurun xotin eriga debdi:
— Adasi, keling, shu dam olish kunlari maza qilib dam olaylik…
Eri xursand bo’lib xotiniga:
— Bo’pti, xotin, dushanba kuni ko’rishguncha unda! — degan ekan.
* * *
Sudya ayblanuvchiga debdi:
— Siz odamlarni pichoq bilan qo’rqitib, bitta mashina, ikkita qo’l telefoni va besh million pulga ega chiqibsiz. O’zingiz nima deya olasiz?
— O’rtoq sudya, siz bitta bolg’acha bilan beshta mashinalik, to’rtta uylik, ikkita dalahovlilik va yana yaxtalik bo’ldingiz-ku, menga nima bo’pti?!
* * *
Ikki dugonalar suhbatlashib o’tirishsa, biri debdi:
— To’ying qachon?
Ikkinchisi:
— Bilmadim. Yigitim avval meni qarindoshlari bilan tanishtiradi, keyin to’yimiz bo’ladi.
— Xo’sh, qarindoshlarnikiga bordingizmi?
— Ha, eng uzoq qarindoshlari bilan tanishtirishdan boshladi. Kecha hayvonot bog’ini aylanib chiqdik.
* * *
— Rahbarlik lavozimidan ketganingizdan keyin nima bilan shug’ullanmoqchisiz?
— Bu qanaqa savol?! Odam o’lganidan keyin ham ishlarmidi?!
* * *
Bir chol ko’p qavatli uyning to’qqizinchi qavatida yashar ekan. Uyiga chiqishda hech ham liftdan foydalanmas ekan.
Shunda bir qo’shni kuzata turib:
— Otaxon, tayyor lift turib, nega nuqul zinadan chiqasiz? — desa, chol:
— E, bolam! “Lift to’rt kishi uchun” deb yozib qo’yilgan. To’rt kishini qaerdan topaman? — dermish.
* * *
Advokat: «Ikki-uchta ishni hal qilsam, mashina olaman».
Vrach: «Ikki-uchta operatsiyani o’tkazsam, hovli olaman».
O’qituvchi: «Ikki-uchta daftarni tekshirsam, olovni yoqib olishga qog’ozim bo’ladi…»
