* * *

Kelin ertalab turib qarasa, qaynonasi mashinasida yo’lga otlanyapti. U so’radi:

— Oyi, ertalabdan qaerga otlandingiz?

— Qabristonga, qizim, qabristonga!

— Voy, mashinani kim uyga olib keladi unda?

* * *

Beshinchi sinfda o’qiydigan bola uyga kelib onasiga dedi:

— Oyi, meni maktabdan haydashdi.

— Nega haydashadi?

— Bilmadim, qisqartirishga tushib qoldim shekilli.

* * *

Bolalar bog’chasida bir bolakay yangi kelgan boladan so’radi:

— Sen necha yoshdasan?

— To’rt yoshda.

— Oting nima?

— Eshmat.

— Tanlagan qizing bormi?

— Yo’q.

— E, unda to’rtmas, uch yoshdaykansan.

* * *

Besh yoshli bolakay buvisi (onasining oyisi) dan so’radi:

— Buvi, odamning qoni shirin bo’ladimi?

— Men qaerdan bilay?

— Dadam «Buving qonimni ichyapti», dedi-ku!

— Dadangda miya yo’q.

— To’ppa-to’g’ri, miyasini o’tgan yili yeb qo’ygan ekansiz.

* * *

Sakson yoshli qariya 18 yashar qizga uylanib, to’qqiz oydan so’ng tug’ruqxonaga olib keldi. Vrach dedi:

— Qoyilman, boboy! Buning siri nimada?

— Motorni parvarishlash kerak, bolam.

Kelasi yil yana o’sha qariya yosh xotinini tug’ruqxonaga olib keldi. Vrach: — Boboy, besh ketdim! Buning siri nimada?

Qariya: — Motor hamisha jangovar holatda bo’lishi lozim.

Uchinchi yili yana o’sha qariya yosh xotinini tug’ruqxonaga olib keldi. Bu gal ham o’sha vrach o’tirgan ekan. Xotinining ko’zi yorigach, chiqib qariyaga dedi:

— Boboy, motorning moyini almashtirmasangiz bo’lmaydi shekilli, bolangiz qop-qora tug’ildi.

 

* * *

Rossiyaning 1- telekanali orqali namoyish etiladigan «Mo»jizalar maydoni» teleshousi boshlovchisi Leonid Yakubovich ishdan so’ng uyiga keldi. Xotini bu vaqtda jazmani bilan o’tirgandi. Eri kelganini sezdi-yu, jazmanini shkafga berkitdi va ikki qo’lini yoygancha shkafni to’sib turib oldi-da, o’ziga hayron qarab qolgan Yakubovichga dedi:

— Hoziroq o’ttiz ming ko’kida beraman, biz bu shkafni ochmaymiz!

* * *

— Oshna, kimsasiz sahroda qanday qilib sherni tutish mumkin?

— Buning yo’li oson. Mushukni tutib olasan-da, sherman deb bo’yniga olmaguncha kaltaklayverasan.

* * *

Qiz yigitga dedi:

— Hazillaringiz ahmoqona! O’zingizam g’irt ahmoqsiz!

— Iltimos, menga turmushga chiqing!

— Voy, kechiring! Siz… Rostdan aytyapsizmi?

— Yo’q, hazillashdim, hazillashdim.

* * *

Askar polk komandiriga hisob beryapti.

— Sizning yo’g’ingizda polkimizda hech qanday ko’ngilsizliklar, qonunbuzarliklar ko’zga tashlanmadi. Oddiy askar Ivanov!

— Ivanov deysanmi?

— Xuddi shunday.

— Millating nima o’zi?

— Chukcha.

— Unda nega familiyang Ivanov?

— Ustavda shunday yozilgan.

* * *

Erkak tanishiga hasrat qilyapti.

— Odamlar juda shafqatsiz va madaniyatsiz bo’lib ketishibdi.

— Nega? O’sha odamlar senga nima yomonlik qildi?

— E, kecha tunda bardan chiqib uyga ketayotgandim. Ikkala qo’limniyam ezg’ilab tashlashdi.

* * *

Erkak do’stiga dedi:

— Men hayotim davomida ikki marta uylandim. Ammo ikkalasiyam omadsiz kechdi.

— Nima uchun? Qanaqasiga?

— Masalan, birinchi xotinim meni tashlab ketib qoldi, ikkinchisini haydab ham ketkaza olmayapman.

* * *

Bolakay buvisidan so’radi:

— Buvijon, nega ko’zlaringiz katta?

— Seni yaxshiroq ko’rish uchun, bolajonim.

— Nega quloqlaringiz katta?

— Seni yaxshi eshitish uchun.

— Nega burningiz katta?

— Ey, Ara, avval o’zingnikiga boq!

* * *

Qizaloq dorixonaga kirdi-da, yig’lay boshladi. Sotuvchi so’radi:

— Nega yig’layapsan?

— Oyim doriga jo’natuvdi, nomini esimdan chiqarib qo’ydim… Ammo tarkibida «gidroksimetilamino-trifenilatsetat…» moddasi borligi esimda.

* * *

To’rt yoshli bolakay yugurib borib itning dumini silay boshlagandi, oyisi naridan turib qichqirdi:

— Qo’y, itga teginma, tishlab oladi hozir!

— Hecham-da! Itlar dum tarafi bilan tishlamaydi.

* * *

Bolakay otasidan so’radi:

— Dada, tosh asri nima degani?

— Tosh asrimi? Tosh asrida hamma narsa toshdan yasalgan.

— Ie, kompyuterlar ham toshdan yasalganmi?