Taqvimlarimiz sahifalarini oktyabr oyiga varaqlasak ham, Turkiyaning O’rta Yer dengizi va Egey dengizi (Turk Rivierasi va Turk Egey) sohillarida dam oluvchilar hali ham issiq quyosh nuridan bahramand bo’lib, moviy suvlarda cho’milib, mazali turk oshxonasidan tanovul qilib kelishmoqda. Yilning 300 kuni quyoshli bo’lgan Turk Rivierasi va mo»tadil iqlimi dengizni isitishda davom etayotgan Turk Egey, nafaqat go’zal sohillari, balki tarixiy antik shaharlari, shuningdek, tabiiy boyliklar va noyob gastronomiya bilan ham yanada sokin ta’tilni istaydiganlar uchun mukammal kuzgi manzillarni taklif etadi.
Turk Egey: Issiq yoz mavsumidan qolishmaydigan kuz
Izmir viloyatidagi Cheshme yarim oroli hamisha quyoshli Turk Egeyning eng mashhur sayyohlik yo’nalishlaridan biri hisoblanadi. Egey dengiziga qaragan Alachati, o’zining mahalliy lazzatini saqlab kelayotgan ovqatlanish va ko’ngilochar joylarini taklif etadi. Unda siz mintaqaning ko’p asrlik lazzatlarini va ularning zamonaviy talqinlarini tatib ko’rishingiz mumkin. Izmirning eng sevimli tumanlaridan biri bo’lgan, hozirda Michelin Guide ro’yxatiga kiritilgan Urla, o’zining uzumzorlari va yosh oshpazlar tomonidan ochilgan zamonaviy restoranlari bilan mashhur.
Bodrum o’zining moviy ko’rfazlari va ajoyib tabiati bilan Turk Egeyning eng nafis va betakror yo’llaridan biri bo’lib, hashamatli mehmonxonalar, marinalar, jahon taomlari bilan xizmat qiluvchi sifatli restoranlar va birinchi darajali xarid qilish imkoniyatlariga ega. Qadimgi dunyoning yetti mo»jizasidan biri bo’lgan Galikarnas maqbarasi xarobalari va suv osti arxeologiya muzeyi joylashgan tarixiy qal’a ham yarim orolda ko’rish kerak bo’lgan joylardandir. Dunyoning eng muhim moviy kruiz yo’llaridan biri bo’lgan Bodrum, yil bo’yi yangi dengiz mahsulotlari, turk va jahon oshxonasining eng yaxshi namunalari namoyish etiladigan gastro-shahar sifatida tashrif buyuruvchilarni kutib olmoqda. Yaqinda Mishel qo’llanmasiga kiritiladigan Bodrumning eng muhim restoranlarining aksariyati port, marina va qirg’oq hududlarida joylashgan.
Egey dengizidan janubga, O’rta Yer dengizi tomon sayohat qilganingizda, sizni ajoyib manzillar kutmoqda. Ularning har biri tabiat mo»jizasi va tarix davomida qadimgi taraqqiyot uyi sanaladi. Har bir burchakda hayratlanarli manzaralar bilan o’ralgan bu hududlar unutilmas onlarni taqdim etadi. Datcha va Bo’zburun yarim orollari toza suvlari bilan moviy kruiz sayohatlari uchun asosiy manzillardan bo’lib, insonga tasalli beruvchi dam olish yo’nalishlaridan hisoblanadi.
Antaliya: yilda 300 yuz kun quyosh
Turk Rivierasining yuragi, yiliga 300 kun quyosh nuridan bahramand bo’lgan yorqin va qiziqarli shahar bo’lgan Antaliya, antik poytaxtlar, dengiz va quyosh, sohillar va o’rmonlar bilan o’ralgan. Antaliyada yoz mavsumi aprel oyida boshlanadi va noyabr oyining oxirigacha davom etadi. Kuzda havo harorati salqinroq va erta quyosh botishiga qaramay, Antaliya hali ham issiq yozni boshdan kechirmoqda. Viloyatda 231 ta ajoyib Moviy bayroqli sohillar joylashgan bo’lib, ulardan biri Kash mintaqasidagi Kaputash sohilidir. Yorqin feruza ko’rfazlar bilan o’ralgan Kaputash dunyodagi eng go’zal sohillardan biri sifatida munosib obro’ga ega. Yilning bu vaqti ham mintaqaning qadimiy aholi punktlarini ziyorat qilish uchun eng yaxshi vaqt hisoblanadi. Bu hududda bir qancha hayajon baxsh etuvchi qadimiy shaharlarni ziyorat qilishdan tashqari, mintaqadagi qazishmalar paytida topilgan g’ayrioddiy artefaktlar to’plamiga ega Antaliya muzeyida uchta madaniy mintaqaning: Likiya, Pamfiliya va Pisidiya boyliklarini ko’rishingiz mumkin.
