Bu qiziq

Faqat qizlar uchun: Sevgingizni mustahkamlash sirlari

Комментариев нет

Sevgi-muhabbat abstrakt tushuncha bo’lib, asta-sekinlik bilan yoxud birdaniga kirib keladigan ruhiy jarayon hisoblanadi. Muhabbat sevgan insoni bilan yoqimli hayotga qarashlarning, qiziqishlarning, hislarning umumiyligi va butun umrga ittifoqlik baxsh etadigan shodlik bilan ifodalanadi.

Sharqda sevgini izhor etish ko’proq milliy urf-odat va tushunchalar bilan bog’liq bo’ladi. O’zbek ayollari o’zining ibosi, hayosi, samimiyligi, kamsuqumligi bilan ajralib turadi. Shu nuqtai nazardan, quyida qizlarimizning hayoti davomida o’z juftlarini topishida nimalarga e’tibor qilishlari kerakligi xususida so’z yuritamiz.

Doimo hushmuomala, kamgap, samimiy va sabrli bo’ling. Kishini o’ziga chorlaydigan husn — tildan chiqadigan so’zlarning ma’nosidir. Hayotingiz mobaynida o’zingizdan-da so’zingiz yoqimli bo’lsin. Ko’proq adabiy tilda gapirishga odatlaning. Yigit kishi shirin so’zga shaydo bo’ladi, buni unutmang. Odamlardan, xususan, o’zingiz yoqtirgan kishingizdan o’zingizni ustun qo’ymang. Hech qachon ota-onangiz mansabini uning oila a’zolari mansabi bilan taqqoslamang.
Tashqi qiyofaning go’zalligiga emas, qalbning pokligiga e’tiborli bo’ling. Qalbi go’zal odamgina unga bo’lgan mehrni, atrofdagi ne’matlarni qadrlay oladi. Yigitlarning ijobiy xislatlarini emas, balki salbiy tomonlarini ham his qiling, lekin kamchiliklarini to’g’ridan-to’g’ri yuziga solmang! Uning nuqsonlarini ohistalik bilan, shaxsiga tegmaydigan qilib tushuntiring. Jahlingizni chiqaradigan savol berganda irodali bo’lib, bosiqlik bilan javob qaytaring. Achchiqlanganingizni sezdirmang.
Yigit kishiga yaqinlaringizning muammolarini aytib, undan ma’naviy yordam kutmang. Sizni oqlab gapirsa-da, yaqinlaringizga nisbatan hurmati so’nadi. Uning o’zi haqida bilishni xohlab hadeb savolga tutavermang. Chunki hech kim o’zida bor qusurlarni aytmaydi.
Erta tongda uyg’onishga odatlaning. Kiyinishingiz va o’zingizning ozodaligingizga e’tiborli bo’ling. Tashqi qiyofangizdan kelib chiqib, «men go’zal emasman» deb o’kinmang. Ichki dunyoqarashingiz doimo go’zal bo’lsin. Muhabbat husn tanlamaydi. Garchi Layli u darajada chiroyli bo’lmasa-da, qalb go’zalligi tufayli Majnunning ko’ziga parivash bo’lib ko’ringan. Shuningdek, ortiqcha tilla taqinchoqlar, haddan ortiqcha pardoz, qimmatbaho g’arb andozasida tikilgan kiyimlarda yuradigan qizlarga xaridorlar ko’p bo’lsa-da, aksariyat yigitlar Sizni emas, boyligingizni sevishi mumkin. Buni aslo unutmang.
Sevgan kishingiz Sizdagi yashirin fazilatlarni ko’p deb bilsin. Siz esa hamisha sirli sandiqday tursangiz, u Sizga shunchalik intiladiki, yashirin fazilatlaringizning hammasini bilishga qiziqadi. Uning savollariga hamisha kamtarona javob berishga harakat qiling.
Qiz bola iboli, sharm-hayoli va nazokatliligini o’zining xatti-harakati, muomalasi, nutqi, fikrlari orqali ifodalashi kerak. Hamisha o’zining or-nomusini muhofaza qilishi lozim. Yigit va qiz o’rtasida, albatta, parda bo’lishi shart. Siz yaqin bo’lishga harakat qilsangiz, u Sizdan qochishga intiladi. Agar u Sizni sensirasa, masxara qilib gapirsa yoxud ruxsatsiz sigaret chekib, tuflab o’tirsa, bilingki, bu uning madaniyatsiz va didsizligidan dalolatdir.
Siz uning nimalarga qiziqishini, qanday rejalari, maqsadlari borligini bilishga qiziqyapsiz. Buni to’g’ridan-to’g’ri emas, balki shu mavzuda suhbatlashganingizda savollar yordamida bilishga harakat qiling.
Masalan: «Nima uchun?» deb emas, «Qanday qilib erishmoqdasiz?» degan savol berib, uning mantiqiy tafakkurini bilish mumkin.

Suhbatlashayotganingizda atrofdagilarga qaramang. Mashhur kinoyulduzlar, san’atkor yigitlar, ularning yutuqlari haqida iloji boricha gapirmang. Sizga bir paytlar sevgi izhor qilgan yigitlar bilan faxrlanmang. Garchi o’zingizga obro’yingiz oshayotganday tuyulsa-da, aslida yigit kishini kamsitayotgan bo’lasiz. Shundan keyin u o’zini Sizdan olib qochishga harakat qila boshlaydi.
Uning boshqa qizlarga e’tibor berishi Sizning rashkingizni keltirishi mumkin. Lekin buni unga sezdirmang. O’zingizni e’tibor qilmaganday ko’rsating-da, uni jalb qilayotgan qizlardagi ijobiy xislatlarni o’zlashtirishga harakat qiling.
Tabiatan ayol kishi erkak kishiga bo’ysunuvchan, erkak esa oilada hukmron bo’ladi. Shu bois, Siz hech qachon hukmronlikka intilmang. Uni amalga oshmaydigan shartlarni bajarishga majbur qilmang. Hadeb romantik hayollarga berilmang.
Agar yigit kishi Siz bilan suhbat qilgan paytida, baland yoki past bo’yli, ozg’in yoxud to’laroq, oppoq yoki qorachadan kelgan qizlarni tahlil qilishga moyilligini bildirsa, bilingki, Sizda shu kamchiliklarning bor ekanligiga ishoradir.
Mabodo, Siz u bilan turmush qurgan taqdiringizda ham uning yuragida boshqa ayolga joy topiladi.

Dilnoza JO’RAYEVA

(Internet manbalaridan olindi)

Related Articles

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.

Tuxumning qay biri foydali: oqimi yoki jigarrangi?
Tilla taqinchoqlar depressiya sababchisi
Меню