KUN KULGISI…

* * *

Samolyot parvozda. Bir mahal uchuvchi salonga o’tdi-da, qotib-qotib kula boshladi. Yo’lovchilar undan so’rashdi:

— Nega kulyapsiz?

— Tasavvur qiling, men hozir samolyotni boshqarib ketyapman! Jinnixonadagilar qochib ketganimni bilib qolishsa, rosa-a yugurib qidirishadi-da!

* * *

Amerikalik kinoyulduz dugonasiga dedi:

— Bilasanmi, ma’lum muddatga Gari bilan to’yimizni to’xtatib turishga to’g’ri keladi.

— Nega?

— Hozir Fredga turmushga chiqyapman, axir!

* * *

Yigit hozirgina tanishgan qizdan so’radi:

— Ovqat pishirishni bilasizmi?

— Ha, ayniqsa, choynakni suvga to’ldirib, gazga qo’yishni qiyib qo’yaman!

* * *

Xotin eridan so’radi:

— Quyosh go’zalroqmi, oymi?

— Oy albatta.

— Unda nega meni har gal quyoshim deb erkalaysiz?

* * *

Muallima 5- sinf o’quvchisiga dedi:

— Afrikada yashovchi jonivorlarning beshtasini sanab ber!

— Ikkita mayman, uchta fil.

* * *

Erkak do’stini tinchlantiryapti:

— Menga qara, hadeb qayg’uga botaverma! Xotining senga xiyonat qilibdi, shuning uchun ajrashib ketding. Ishon, bir oydan keyin unutasan! Men kafil!

— Yo’q, unutishning iloji yo’q, do’stim.

— Nega? Shunchalik jigaringdan urganmidi o’sha xotining?

— Jigardan urmagan. Ammo kecha o’zing ko’rgan shubasini yaqinda kreditga olib berovdim. Hali ikki yil kreditni to’lashim kerak.

* * *

Hayvonot bog’i direktori qarasa, fillardan biri qattiq yo’tala boshlabdi. Unga bir chelak sharob ichirib yuborgandi, yo’tali to’xtadi-qo’ydi. Ammo boshqa qafasdagi fillar baravariga yo’tala boshladi.

* * *

Er xotiniga dedi:

— Hadeb ming’illayverma! Ortiqcha narsalarga pul sarflayapsanmish… Qani ortiqcha narsaga pul sarflaganim?

— O’t o’chiradigan uskuna-chi? Keraksiz narsa emasmi o’sha? Sotib olganingizga olti yil bo’ldi, hali biror marta foydalanganimiz yo’q!

* * *

Boyvachcha mahalliy gazeta muharriri kabinetiga kirib kelib so’radi:

— Bu qanaqasi? Bir hafta oldin «Itim yo’qolib qoldi. Topgan odamga ming dollar mukofot beraman» deb e’lon bergandim. Haligachayam chop etmabsizlar-ku!

— To’g’ri, hali chop etmadik.

— Sabab?

— Sababi shuki, barcha xodimlarimiz bir hafta oldin itingizni qidirib ketishgan.

* * *

Vrach bemorga qanday tashhis qo’yishni bilmay garang edi. Oxiri u bemordan so’radi:

— Ilgariyam shu yeringiz bezovta qilib turarmidi?

— Ha, besh yil oldin bezovta qilgandi.

— Ha-a… Demak, qaytalanibdi-da!

* * *

Bir bemorning hasratidan:

— Tish do’xtirini qancha boqma, baribir og’zingga qarayveradi-ya!

Olimjon HAYIT tayyorladi

Добавить комментарий

Ваш e-mail не будет опубликован. Обязательные поля помечены *