KUN KULGISI… 1

KUN KULGISI…

 

 

* * *

 

Juhud og’aynisidan so’radi:

— Sen menga yuz dollar qarz ekaningni unutmadingmi?

— Umrimning oxirigachayam unutmayman.

 

* * *

 

Odam qadami yetmas orolga Kristina Orbakayte, Natasha Koroleva va Alsular tushib qolishdi. Yeyishga hech vaqo yo’q. Qayiq cho’kib ketgan… Faqat bittagina qo’l telefoni bor-u, u ham bir marta qo’ng’iroq qilinsa, o’chadi.

— Oyimga qo’ng’iroq qilish kerak, — dedi Kristina. — Meni qutqarib olish uchun u kishi hamma narsaga tayyor.

— Yo’-o’q, — Koroleva lablarini burdi. — Mening Tarzanimga qo’ng’iroq qilamiz. U meni juda sevadi. Bizni albatta qidirib topadi.

Shunda Alsu gapga aralashdi.

— Yaxshisi, dadamga qo’ng’iroq qilib, bu yerdan katta neft koni topdik deb aytamiz. U yog’ini o’zi hal qilaveradi.

 

* * *

 

Ikki kampir janjallashyapti:

— Jinni!

— O’zing jinni!

Qaerdandir bir qariya paydo bo’ldi-da, dedi:

— Janjallashmanglar! Ikkovlaring ham haqsizlar!

 

* * *

 

Ona o’g’liga dedi:

— Uyat emasmi? Yana sinf rahbaring ustingdan shikoyat qildi! Dadangdan o’rnak olsang bo’lmaydimi? Yaxshi xizmat qilgani uchun turmadagilar muddatidan oldin ozodlikka chiqarishibdi.

 

* * *

 

Vatan himoyachilari kuni ikki it uchrashib qolishdi. Birining oyoqlari bint bilan boylab tashlangan. Ikkinchisi so’radi:

— Nima bo’ldi?

— Xo’jayin kaltakladi.

— Nega?

— Tishlab olgandim.

— Ie, nega tishlading?

— Tasavvur qil, to’yib ichib olib, mening medallarimni ko’ksiga taqvopti.

 

* * *

 

Ikki qariya yoshligini eslayapti:

— Bir paytlar men uchun go’zal bir qiz hayotini xavf ostiga qo’ygandi.

— Nima qilgandi?

— Senga turmushga chiqqandan ko’ra o’zimni dengizga tashlab cho’kib ketaman degandi.

 

* * *

 

Mahluqlar daryodan narigi sohilga suzib o’tishardi. Filning beliga burga chiqib oldi. Fil dedi:

— Hadeb turtkilayvermanglar!

Burga:

— Kechirasiz, payqamay qolibman!

 

* * *

 

Bir yigit do’stiga maslahat beryapti:

— Sen endi uylanmasang bo’lmaydi. Qachongacha bo’ydoq yurasan? Istasang, mening bir tanishim bor. Juda yaxshi qiz. Harakatchan, ozoda, ishchan, halol qiz. Har qanday ishni eplab ketadi. Faqat seni ogohlantirib qo’yay. U qiz sal homiladorroq.

 

* * *

 

Uch og’a-ini bahodirlarning eng kenjasi yolg’iz o’rmonda ketayotib toshdagi yozuvga ko’zi tushib qoldi. Toshga quyidagi yozuvlar bitilgandi:

— Chapga yursang, suv topasan. O’ngga yursang, gaz topasan. To’g’riga yursang, metroga tushasan…

 

* * *

 

Erkak kompyuter qarshisida o’tirgandi. Kutilmaganda derazadan qog’ozga o’ralgan g’isht uchib kirib to’g’ri monitorga tegdi. Monitor sindi. Erkak sekin g’ishtni qog’ozdan olib qarasa, qog’ozga quyidagi so’zlar yozib qo’yilibdi:

— Yangi monitor sotaman!

Olimjon HAYIT tayyorladi

 

Добавить комментарий

Ваш e-mail не будет опубликован. Обязательные поля помечены *