* * *
— Og’ayni, bolalikdagi orzularingning birontasi ushaldimi?
— Ha, bittasi ushaldi.
— Qaysisi?
— Bolaligimda otam sochlarimdan tortib kaltaklasa, doimo kal bo’lib qolishni orzulardim.
* * *
Harbiyning xotini eridan so’radi:
— Nega menga uylangansiz?
— Sen bir paytlar o’tkir nigohlaring bilan menga bir o’q otgansan. Men ana o’sha o’qni qanday bo’lmasin zararsizlantirish payiga tushganman.
* * *
Pingvin bolasi barga kirib sotuvchidan so’radi:
— Dadamni ko’rmadingizmi?
— Yo’q, ko’rinishi qanaqaydi?
* * *
Ona kenguru bolasini urishyapti:
— Men senga karavotda ovqatlanishni ko’rsatib qo’yaman!
* * *
Qariya qo’shnisiga hasrat qilyapti:
— Ilgari erkaklar ayolni ko’rsa, bosh kiyimini yechardi. Endi bo’lsa, qulog’idan ashula eshitadigan simni yechadigan bo’lishibdi.
* * *
— Bilasanmi, men «Moskvich» eng sadoqatli mashina deb hisoblayman!
— Nega?
— Chunki, uni bir marta xarid qilasan-u, umringni oxirigachayam birovga sota olmaysan.
* * *
— Menga qara, bizning eng faol yo’l patrul xizmati xodimimiz qani?
— Ishda yonib ketibdi?
— Qanaqasiga?
— Ajdarning mashinasini to’xtatib, ichgan-ichmaganini tekshirish uchun puflatgan ekan.
* * *
Sichqon iniga hammayog’i tirnalgan holda kirib keldi-da, qarindoshlariga dedi:
— Qora mushukning baxtsizlik keltirishiga mana endi ishondim.
* * *
— Aytishlaricha, fillarni qo’lga o’rgatish osonroq ekan. Qo’lingga bolg’a olasan-da, xartumiga tushirasan. Shu zahoti o’tiradi.
— Lekin sirk sahnasida xartumiga urib bo’lmaydi-ku!
— Sirkda sekin qulog’iga shivirlasang kifoya.
— Nima deb shivirlayman?
— «Xartumingga bir tushiraymi?..», deysan.
* * *
Sudya sudlanuvchiga dedi:
— Siz bilan mana shu zalda yigirma yildan beri uchrashganimiz uchrashgan. Shu yillar orasida siz allaqachon tuzalishingiz mumkin edi.
— Ha, siz ham shuncha yil ichida hech bo’lmaganda sud raisi lavozimini egallashingiz mumkin edi.
Olimjon HAYIT tayyorladi
