* * *
Sirk direktori militsiyaga qo’ng’iroq qilib dedi:
— Filimiz qochib ketdi! Iltimos, topishda yordam bering!
— Asosiy belgilarini ayting!
* * *
Er-xotin janjallashyapti:
— Siz mening qonimni ichyapsiz!
— Nima? Men-a? Yo’q, sen mening qonimni ichyapsan!
Shu payt divanda qo’g’irchoq o’ynab o’tirgan to’rt yashar qizaloq dedi:
— Oyi, dada, sizlar vampirmisiz?
* * *
To’rt yoshli qiz onasidan so’radi:
— Oyi, mashina nima yeydi?
— Benzin.
— Nima ichadi?
— Benzin.
— Uf-f, xuddi bog’chadagiga o’xsharkan! Har kuni bo’tqa, bo’tqa!..
* * *
Ayol qo’shni ayoldan so’radi:
— O’rgilay, siz pishloqni yaxshi ko’rasizmi?
— Yo’q.
Ayol lab burgancha xayolan dedi:
«Kalamush pishloqni yomon ko’rishini birinchi ko’rishim…»
* * *
Telefon jiringladi. Go’shakni Eshmatning onasi ko’tardi.
— Kim bu?
— Men Eshmatning do’stiman! Eshmat qaerda?
Ona zarda aralash javob qildi:
— Katta xolasinikida.
— Qachon qaytadi?
* * *
— Uch kompyuterchi hamkorlikda tijorat bilan shug’ullana oladimi?
— Ha.
— Qanday qilib?
— Biri virus yaratadi, ikkinchisi antivirus o’ylab topadi.
— Uchinchisi-chi?
— Uchinchisi virus va antivirus bemalol ishlashi uchun yangi operativ tizim yaratadi.
* * *
Uzoq vaqt sukunat. Kutilmaganda suxandonning ovozi eshitildi:
— Siz «Buyuk soqov» nomli radiopyesani tingladingiz!
* * *
Teleboshlovchi dedi:
— Orifleym» firmasi mana o’n yildirki ayollarimizga sog’liq, go’zallik, ±shlik ulashib kelyapti… Baribir foydasi bo’lmayapti…
* * *
Uch kecha-uch kunduz Oloviddin sehrli chiroqni artib chiqdi. Faqat… «Made in China» degan yozuvni ko’rgachgina, chiroq artishni bas qildi. (zamonaviy ertakdan)
* * *
Olti yashar qizaloq Qorboboga xat yozgani, xatida oyisiga norkali palto, o’ziga kompyuter sovg’a qilishini so’ragani haqida uyidagilarga ma’lum qildi…
Sal o’tmay, Qorbobo choyga tiqilib qoldi…
* * *
Xotin eriga dedi:
— Keling, «taksi-taksi» o’ynaymiz! Siz taksi haydovchisi bo’lasiz, men o’n sakkiz yashar qizaloq bo’laman. Men taksingizda manzilimga yetvolaman-u, pulim yo’qligini aytaman. Shunda sizning qanday yo’l tutishingizni, nima deyishingizni ko’raman! Agar yutsangiz… Aytganingiz bo’ladi!..
— Bo’pti.
Xotin:
— Haydovchi og’a, taksingizga to’lash uchun pulim yo’g’idi. Iltimos, meni qo’yvora qoli-ing!
Er qovog’ini uyib dedi:
— Ketaver, qizaloq!
Olimjon HAYIT tayyorladi
