BIR TUTAM KULGIM BOR, KULMAYSIZMI?..

 

 

* * *

 

Armani, tojik va rus ko’chadan xum topib olishdi. Ochishsa, ichidan jin chiqib keldi.

— Tila tilagingni! — dedi jin. — Faqat uch kishiga bir tilak tila!

— Bo’pti, mamlakatlarimizda nima ko’p bo’lsa, o’shani kamaytirib tashla!..

Jin ularning tilagini ado etdi. Ular tekshirib ko’rishga ahd qilishdi.

Armanistonga kelishdi. U yerda tog’lar kamayib qolibdi. Tojikistonga borishdi. Meva-cheva kamaygan. Rossiyaga yetib borishganda, ko’rishdiki, arman va tojik qaergadir g’oyib bo’libdi.

 

* * *

 

To’ydan oldin.

Yigit: — Ura!!! Nihoyat orzuim ushaladigan bo’ldi!..

Qiz: — Balki, ketganim ma’quldir?

Yigit: — Yo’q, buni xayolinggayam keltirma!

Qiz: — Meni sevasizmi?

Yigit: — Albatta.

Qiz: — Menga qachondir xiyonat qilganmisiz?

Yigit: — Yo’q, bu gapni qaerdan olding?

Qiz: — Mendan bo’sa olasizmi?

Yigit: — Ha.

Qiz: — Meni kaltaklaysizmi?

Yigit: — Hech qachon.

Qiz: — Sizga ishonsam bo’ladimi?

To’ydan so’ng.

Endi savol-javoblarni pastdan yuqoriga qarab o’qing.

 

* * *

 

Er uyga juda xafa bo’lib qaytdi. Xotini so’radi:

— Sizga nima bo’ldi?

— Hech narsa.

— Yo’q, nimadandir xafasiz. Esingizda bo’lsin, sizning tashvishingiz mening ham tashvishim. Biz, axir, er-xotinmiz!

— Shunaqami?

— Ha, ayting endi! Nima bo’ldi?

— Jazmanimiz homilador bo’lib qoldi.

 

* * *

 

Ikki nafar nemis chollari kampirlari bilan birga oltin to’ylarini nishonlashyapti. Mahalliy gazeta muxbiri chollarning biridan so’radi:

— Mana, kampiringiz bilan ellik yil birga yashabsiz. Birgalikdagi hayotingizning eng baxtli yillarini sanab bera olasizmi?

— Albatta. Besh yil ruslarning qo’lida asirlikda yashaganman.

 

* * *

 

Boyvachchani yo’l patrul xizmati xodimi to’xtatib dedi:

— Siz mashinani soatiga bir yuz to’qson km tezlikda boshqarib keldingiz. Jarima to’lang!

— Bu nima deganing? Men soatiga atigi 20 km tezlikda keldim. Ko’rmadingmi?

— Balki, butkul to’xtab turdim ham dersiz?

— Ha, deyarli to’xtab turgandim.

— Baribir jarima to’laysiz. Ana, «To’xtash taqiqlanadi» degan belgini ko’rdingizmi?

 

* * *

 

Erkak qo’ng’iroq qilyapti:

— Allo, bu xavfsizlik xizmatimi?

— Ha…

— Qo’shnim Boltavoyning tomorqasiga ikkita pulemyot ko’milgan. Ishonmasangiz kelib kovlab ko’rishingiz mumkin.

Go’shakni joyiga qo’ygach, u qo’shnisiga qo’ng’iroq qildi.

— Allo, Boltavoy, Yuz mng so’m berasan! Bugun kechasi sening tomorqangni shaxsan xavfsizlik xizmati xodimlarining o’zi ag’darib beradigan bo’lishdi.

 

* * *

 

Maymun sahroda ketyapti. Juda chanqagan. Bir payt palma daraxtini ko’rib qoldi. Shoxlarida kokoslar osilib turibdi. Maymun endi daraxtni silkita boshlagandi, ichki ovoz dedi:

— Maymun, avval o’ylab ko’r!..

Maymun o’ylab ko’rgach, bir tayoq bilan bittagina kokosni urib tushirdi-da, ichidagini ichib chanqog’ini qondirdi.

Oradan sal o’tmay talaba o’sha sahrodan o’tib keta boshladi. Juda chanqagan. Qarasa, palma, ustida kokoslar osilib turibdi. Tezda daraxtni silkita boshlagandi, ichki ovoz dedi:

— Talaba, avval o’ylab ko’r!..

— E, nimasini o’ylayman? Silkitish kerak, silkitish!

 

* * *

 

Yigit va qiz nikohdan o’tish uchun ketib borishyapti. Qiz dedi:

— Bilasizmi, sizgacha yigitim bo’lgan. Men uning suratini chap ko’ksimning ustiga igna bilan chizdirganman.

— Hechqisi yo’q.

— Mening yana bir yigitim bor edi. Uning suratini o’ng ko’ksimning ustiga igna bilan chizdirganman.

— Hechqisi yo’q.

Yigit ancha yo’l yurishgach, to’xtab qotib-qotib kula boshladi.

— Ha-a, aqldan ozdingizmi? Nega kulyapsiz?

— Men o’sha suratlarning qirq yildan keyingi ko’rinishini tasavvur qilyapman!

 

* * *

 

Vrach huzuriga juda-juda ozib ketgan yigit kirib keldi. Uyqusizlikdan shikoyat qildi.

— Do’xtir, kechasi hovlida mushuklar baqirgani-baqirgan! Ertalab ishga borishim kerak. Ular bo’lsa, uyqu berishmaydi…

Vrach unga uxlatadigan dori yozib berdi. Bir haftadan so’ng yigitdan so’radi:

— Xo’sh, dorilar yordam berdimi?

— Yo’q.

— Nega?

— Men o’sha mushukni tutdim ham deylik. Ammo bu dorilarni og’ziga tiqib majburan ichirish qo’limdan kelmaydi.

 

* * *

 

Xitoylik Pekindagi do’konga kirib sotuvchidan so’radi:

— Sizlarda ko’rinmas ruchkalar bormi?

— Ha, qaysi rangidan kerak?

Olimjon HAYIT tayyorladi

 

Добавить комментарий

Ваш e-mail не будет опубликован. Обязательные поля помечены *