Kulgu

BI-IR KULIShMAYMIZMI, OKA?..

Комментариев нет

* * *

— Bir kunda 20 kiloga ozish uchun nima qilish kerak?

— Bir haftada qanday qilib millioner bo’lib ketish mumkin?

Shu va boshqa narsalar haqida siz «Xudo biladi» degan jurnalimizni o’qib bilib olasiz.

* * *

— Dadasi, o’g’lingizga ayting, vannaxonada bunchalik uzoq o’tirmasin!

— Ie, qiziqmisan? Axir, o’g’limiz santexnik-ku!

* * *

— Biz Toshkanda, mana, uchinchi marotaba bo’lishimiz, to’g’rimi?

— Ha, bu shahar bizga xuddi otadek qadrdon bo’lib qoldi.

— Unda, kel, ikkalamiz baravar baqiramiz!

— Bo’pti.

— Ota-a, pul beri-ing!!!

* * *

— Farida, menga turmushga chiqishni taklif etsam, nima deb javob berarding?

— Bilmadim. Men bir vaqtning o’zida ham gapirib, ham kula olmayman.

* * *

Vrach bemor qizning kasallik varaqasini to’ldirayotib so’radi:

— Yoshingiz nechada?

— Yigirma va bir necha oy.

— Necha oy?

— Bir yuz to’qson olti oy!

* * *

— Men hazillashishni juda yaxshi ko’raman. Ishxonada hamkasblar bilan o’tirib hazillashaveramiz, hazillashaveramiz…

— Kim bo’lib ishlaysiz?

— Deputatman.

* * *

Etmish yoshga kirgan ikki gruzin gaplashib o’tirishardi. Biri ikkinchisiga dedi:

— Og’ayni, men qirq yil oldin qanday kuchli bo’lsam, hozir ham shunday kuchliman.

— Yo’g’-e!..

— Ha, anavi toshni ko’ryapsanmi?

— Ha, ko’ryapman. Nima bo’pti?

— O’sha toshni qirq yil oldin ham ko’tarolmasdim, hozir ham ko’tarolmayman.

* * *

— Allo, bu soliq inspeksiyasimi?

— Ha.

Go’shak joyiga qo’yildi. Yarim soatdan so’ng:

— Allo, bu soliq inspeksiyasimi?

— Ha, nimaydi?

— Shunchaki… Idorangizni yarim soat oldin portlatishlari lozim edi… Shuni aniqlamoqchi edim…

* * *

Nemis, fransuz va o’zbek uchrashib qolishdi.

Nemis:

— Biznikilar sigirni tovuq bilan chatishtirishdi. Endi sut, tuxumlarga joy topolmay xalakmiz.

Fransuz:

— Biznikilar esa asalarini pashsha bilan chatishtirishgandi. Endi u axlatxonalarda uchib yursa ham baribir asal olib kelyapti.

O’zbek:

— E, bu nima bo’pti?.. Yaqinda biz suvarak bilan tarvuzni chatishtirdik. Endi tarvuzni so’yishing bilan danaklari o’z oyog’i bilan yugurib chiqib ketishyapti.

* * *

Ikki talaba tramvaydan tushib yotoqxona tomon ketib borishardi. Biri to’satdan to’xtab cho’ntaklarini kovlashtira boshladi.

— Ha, nima bo’ldi?

— Tramvay chiptasini yo’qotib qo’ydim.

— Nima qipti? Shungayam qayg’urib o’tirasanmi?

— Ie, kechki ovqatni o’sha chiptaga o’rab qo’ygandim-da!

Olimjon HAYIT tayyorladi

Related Articles

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.

«HAY-HAY TV». ERTANGI TELEDASTURLAR… (Ikkinchi qism)
Haqiqiy hangomaning bundan battari bo’lmaydi…
Меню