BI-IR KULIShMAYMIZMI?.. 1

BI-IR KULIShMAYMIZMI?..

 

 

* * *

 

— Esimda. Bog’chamizda bir bola bo’lardi. Hammani qatorasiga kaltaklardi. Meni kaltaklamasdi. Chunki, men ham anoyi emasdim. Javob qaytara olardim. Shuning orqasidan meni bog’chadan haydashgan. Aytishlaricha, qorovul bolalar bilan mushtlashmasligi kerak ekan.

 

* * *

 

Yoqilg’i quyish shohobchasida besh yashar bolakay otasidan so’radi:

— Dada, mashina ko’-o’p benzin yeyaversa, avtobus bo’p qoladimi?

 

* * *

 

Dala hovli. Buvi va nevara choy ichishyapti. Stol ustida murabbo. Murabbo ustini chumoli bosgan. Nevara chumolilardan birini o’ldirdi.

Buvi:

— Nega unday qilding? Ularning ham joni og’riydi-ku! Uyda bolalari bordir… Tasavvur qil, bolalari kutib o’tirishsa-yu, onasi kelmasa…

Nevara yana bir chumolini ezg’ilab tashladi-da, dedi:

— Unda otasiyam bormay qo’ya qolsin.

 

* * *

 

To’rt yashar bolakay onasiga dedi:

— Oyi, menga singil sotib olaylik!

— Men roziman. Lekin dadang rozi bo’lmaydi-da!

— Dadam hozir kurortda. Keling, u yo’qligida sotib ola qolaylik.

 

* * *

 

Ona qizchasiga qo’rqinchli ertak aytib berar, lekin qizcha sira qo’rqmasdi. Ona undan so’radi:

— Nahotki, sen odamxo’rlardan ham qo’rqmasang-a?

— Nega qo’rqarkanman? Mening ismim odam emas, Zarifa-ku!

 

* * *

 

Vrach:

— Bemor, manavi yeringiz qay mahal og’riydi?

— Nafas olganimda.

— Shunaqami? U holda uch kun uyda hech qayoqqa chiqmay o’tiring. Zinhor nafas ola ko’rmang. Uch kundan keyin o’zim sizdan xabar olaman.

 

* * *

 

Xonandadan so’rashdi:

— Hozirgi kunda eng mashhur, xalq sevgan qo’shiqchi kim?

U xotirjamlik bilan javob berdi:

— Biz bir necha kishimiz, do’stim.

 

* * *

 

Shisha qabul qiladigan punkt. Yelkasida bir qop shisha bilan gadoy kirib keldi va so’radi:

— Kechirasiz, sizlar shotlandlar viskisidan bo’shagan shishalarniyam qabul qilasizlarmi?

Biroz jimlikdan so’ng punkt xodimi qo’li ko’ksida javob qildi:

— Ha, janob!

 

* * *

 

To’rt yashar bolakay onasidan so’radi:

— Oyi, nega itimiz tilini chiqaraveradi?

— Chunki, havo issiq.

— Ie, unda nega paltosini yechib qo’ya qolmaydi?

— Paltosini yecha olmaydi. Tugmasi yo’q.

 

* * *

 

Muallima:

— Eshmatvoy, «mushuk», «it» va «qarash» so’zlari ishtirokida gap tuz-chi!

— Kecha uyda o’ynayotib, mushugimizning dumini bosib olgandim, u nariroq qochib borib baqirdi:

— Vey, ko’zga qarash kerak-da, itga o’xshagan!

 

Добавить комментарий

Ваш e-mail не будет опубликован. Обязательные поля помечены *