Fransiyaning PSJ klubi prezidenti va «beIN Media» rahbari Nosir G’anim Al Helayfi qafas ortiga ravona bo’lishi mumkin.

Shveysariya prokuraturasi birinchi instansiya sudining PSJ prezidenti va «beIN Media» rahbari Nosir G’anim Al Helayfiga nisbatan oqlov qaroriga apellyatsiya berdi va 28 oylik qamoq jazosini talab qildi, deb xabar beradi L’Équipe.

Hozirda Bellinzona federal jinoiy sudining apellyatsiya palatasida sud jarayonlari bo’lib o’tmoqda. Yana bir ayblanuvchi FIFAning sobiq rahbarlaridan biri Jerom Valke 35 oylik qamoq jazosiga hukm qilindi. Uchinchi ayblanuvchi gretsiyalik Konstantinos Nterisga – 30 oylik qamoq jazosi.

PSJ prezidenti FIFA sobiq bosh kotibi Jerom Valkeni jinoyatlarga undashda ayblanmoqda. Ish avvalroq ko’rib chiqilgan va 2020 yilning oktyabr oyida Al Helayfi birinchi instansiya sudining qaroriga ko’ra oqlangan, Valke esa shartli ravishda 120 kunlik ozodlikdan mahrum etilgandi.

Xabar qilinishicha, Nosir G’anim Al Helayfi 2026 va 2030 yilgi jahon chempionatlarini translyatsiya qilish huquqini sotish bo’yicha ishda pora olganlikda ayblangan Valkega «sun’iy ustunliklar» taqdim etgan.