Futbol. O'zbekiston oktyabrda ikkita o'rtoqlik o'yini o'tkazadi

O’zbekiston terma jamoasi oktyabr oyidagi FIFA kunlarida Malayziya va Iordaniya bilan o’rtoqlik uchrashuvi o’tkazadi.

Ma’lum qilinishicha, oktyabr oyi avvalida O’zbekiston milliy terma jamoasi Iordaniya poytaxti Amman shahrida o’quv-mashg’ulot yig’ini o’tkazadi.

Yig’in davomida Srechko Katanes shogirdlari 9 oktyabr kuni Malayziya, 12 oktyabrda esa Iordaniya terma jamoalari bilan o’rtoqlik uchrashuvida maydonga tushishadi.

Eslatib o’tamiz, O’zbekiston milliy jamoasi sentyabrda Katanes qo’l ostidagi dastlabki bahsida Shvetsiya bilan o’rtoqlik o’yini o’tkazib, 1:2 hisobida mag’lub bo’lgan edi.