O’zbekiston milliy terma jamoasi, «Paxtakor» va «Lokomotiv» klublaridagi faoliyati bilan muxlislarga yaxshi tanilgan bosh murabbiy Samvel Babayan Xitoydan O’zbekistonga qaytmoqda.

Murabbiy tez orada Namanganning «Navbahor» klubi bilan shartnoma imzolaydi, deb xabar berdi “Tribuna.uz” nashri.

49 yoshli mutaxassis allaqachon «Navbahor» klubi rahbariyati va homiylari bilan uchrashuv o’tkazishga ulgurgan. Ikki kundan so’ng, aniqrog’i 18 dekabr kuni Samvel Vyacheslavovich Namangan viloyati hokimi vazifasini bajaruvchi Shavkatjon Abdurazzoqov qabulida bo’lib, «Navbahor» klubida ish boshlash masalasida yakuniy uchrashuvni o’tkazadi. Babayan bilan rasman kelishuvga erishilsa, uning oldiga «Navbahor» klubini 2021 yilgi mavsumda sovrindorlar safiga olib chiqish vazifasi qo’yiladi.

Samvel Babayanning mamlakatimizdagi so’nggi jamoasi «Lokomotiv» bo’lgan edi. Shundan so’ng u Xitoyning «Chanchun Yatay» klubida faoliyat yuritdi.