O’zbek-qirg’iz chegarasida yuzaga kelgan tirbandlik sababi tushuntirildi

Qirg’iziston Respublikasi chegara xizmati haydovchilar va yuk tashuvchilarni vaziyatga tushunish bilan munosabatda bo’lishga chaqiradi.

Qirg’iziston Respublikasi Milliy xavfsizlik davlat qo’mitasi chegara xizmati Qirg’iziston-O’zbekiston chegarasidagi «Do’stlik – yo’l» nazorat-o’tkazish punktida (o’tkazish punkti) avtomobillar to’planib qolgani sababini tushuntirdi, xabar berdi «AKIPress» portali.

Avtomobillarning to’planib qolishi O’zbekiston bojxonachilari tomonidan sinov rejimida ishlayotgan nazorat-o’tkazish punktiga «E-Transit» ilovasini o’rnatgani bilan bog’liq.