Karam keng tarqalgan qishloq xo’jalik mahsuloti hisoblanadi. Qadimiy Yunonistonda karam bosh og’rig’i, karlikka, uyqusizlikka qarshi dori sifatida mashhur bo’lgan. Hozirgi kunda esa karam saraton xastaligi kushandasi sifatida ham tilga olinadi. Quyida karam haqida qiziqarli faktlarni e’tiboringizga havola etamiz…
KARAM HAQIDA QIZIQARLI FAKTLAR
1. Karam sharbatidan kosmetologiyada keng foydalanishadi. Aytishlaricha, u inson terisini yoshartirishda muhim ahamiyat kasb etarkan.
2. Dunyoda karamning 100 dan ortiq turi mavjud. Pekin, brokkoli, rangli, savoy, bryussel va kolrabi karamlari ayniqsa, aholi tarafidan sevib istemol qilinadi.
3. Karam tarkibidagi U vitamini saraton, oshqozon-ichak xastaliklarini davolashda kuchli ta’sirga ega.
4. Qadimiy yunonlar karamni ichkilikdan keyingi holatni me’yorga keltirishda tengsiz, ya’ni, hushyorlik, sergaklik belgisi sifatida yuqori baholashgan.
5. Yaponiyada karam nafaqat oziq-ovqat sifatida ekiladi, balki go’zallik ramzi sifatida ham qadrlanadi.
6. Karam ortiqcha vazndan xalos bo’lishda muhim rol o’ynaydi. Karam sharbatidan tibbiyotda shamollashga va mikroblarga qarshi vosita sifatida keng foydalanishadi. U oshqozon yarasi hamda gastritni davolashda ham tengsizdir.
7. Karam tarkibida tarvuzga nisbatan ko’proq nitratlar mavjud.
8. Qadimiy rimliklar karamdan faqat katta bayramlardagina taomlar pishirishgan.
9. Xitoyliklar dunyoda birinchi bo’lib nordon karam turini o’ylab topishgan. Uni sharobga to’yintirgach, Buyuk Xitoy devorini qurgan qullarga berishgan.
10. Karam organizmdagi ortiqcha tuzlarni yo’q qilish xususiyatiga ega.
Olimjon HAYIT tayyorladi
