KUN KULGISI… (Muhiddin qiziq bisotidan)

 

* * *

 

Qo’qondagi jinnixonada bir jinni kamalak ko’tarib ketayotganmish. Bosh vrach ko’rib qolib so’rabdi:

— Qayga ketyapsan?

— Urushga.

— O’qing yo’q-ku!

— Dushman tomondan kep qolar.

— Kelmasa-chi?

— Ie, kelmasa, urush bo’lmaydi-ku!

 

* * *

 

Ikki erkak jinnixona ro’parasida mushtlashayotsa, jinnilar derazadan qarab baqirayotganmish:

— Ur! Jag’ini sindir! Och biqiniga tep!..

Erkaklar mushtlashishdan to’xtab, bir-biriga debdi:

— E, anavi jinnilarni qara, bizni masxara qilyapti! Shularga kulgi bo’lmaylik mushtlashib!..

Shundan keyin erkaklardan biri yo’lning u chetiga, ikkinchisi bu chetiga turvolib, bir-biriga baqira ketibdi:

— Vey, men seni odam deb yursam, g’irt ho’tik ekansan-ku-a?!.

— Men bo’lsam, seni odam deb yursam, g’irt eshak ekansan!

Shunda jinnilar ularning qichqrig’ini eshitib baravar baqirayotganmish:

— Iya-ya, anavilar ota-bolaykan!

 

* * *

 

Jinnixonaga sartarosh kelibdi. Shunda bir jinni boshqasiga debdi:

— Kel, sening boshingga mix qoqib qo’yaman! Anavi sartarosh sochingni olaman deganda, mashinkasi mixga tegib buzilib qoladi, rosa kulamiz!

— Bo’pti.

Jinni kattakon mixni uning boshiga qo’yib endi bolg’a bilan uraman deb tursa, jinni baqiribdi:

— Vey, jinni, bolg’angni mixga uraman deb boshimga urvolmagin tag’in!

O. HAYIT tayyorladi

 

 

 

loading…