* * *
Bir odam qo’lida karnay bilan tiqilinch avtobusga chiqa olmadi. Shunda bekatda turgan bolakay unga dedi:
— Ko’rdingizmi, amaki? Agar shuning o’rniga nay chalishni o’rganganingizda avtobusdan qolib ketmasdingiz.
* * *
— Oshna, namuncha ko’rinmay ketding? Qaerda eding shuncha vaqt?
— Kasalxonada asablarimni davoladim.
— Nimani davoladim deysan?
— YaRAMAS!!! ASABNI DEDI-I-IM!!!
* * *
Olti yashar qizaloq Qorboboga xat yozgani, xatida oyisiga norkali palto, o’ziga kompyuter sovg’a qilishini so’ragani haqida uyidagilarga ma’lum qildi…
Sal o’tmay, «Qorbobo» choyga tiqilib qoldi…
* * *
Sudda er-xotin ajrashyapti. Ammo ikkalasi ham uch bolani taqsimlash masalasida kelisha olishmayapti.
Er:
— Menga ikki o’g’lim, qizni sen olasan!
Xotin:
— Yo’q, ikki o’g’il meniki, qiz sizga!
Oradan ma’lum muddat o’tib toqati toq bo’lgan xotin eriga dedi:
— Yuring, yaxshisi, bolamiz to’rtta bo’lganda ajrashamiz!
* * *
Xotin eriga dedi:
— Bugun mendan hech narsa so’ramang. Nihoyatda asabiylashyapman.
— Xo’p.
— Ha-a, siz shunaqasiz! Men o’lib qolsam ham sizga baribi-ir!!!
* * *
Xotin eriga dedi:
— Keling, «taksi-taksi» o’ynaymiz! Siz taksi haydovchisi bo’lasiz, men o’n sakkiz yashar qizaloq bo’laman. Men taksingizda manzilimga yetvolaman-u, pulim yo’qligini aytaman. Shunda sizning qanday yo’l tutishingizni, nima deyishingizni ko’raman! Agar yutsangiz… Aytganingiz bo’ladi!..
— Bo’pti.
Xotin:
— Haydovchi og’a, taksingizga to’lash uchun pulim yo’g’idi. Iltimos, meni qo’yvora qoli-ing!
Er qovog’ini uyib dedi:
— Ketaver, qizaloq!
* * *
Xitoyliklar Pentagon kompyuter tizimini buzib kirishdi. Voqea shunday bo’lgandi:
1. Har bir xitoylik bittadan parol terib ko’rdi.
2. Har ikkinchi parol «Mao Szedun» edi.
3. 743571810- urinishdan so’ng kompyuterning o’zi «Mao Szedun»ligini tan oldi.
* * *
Yigit:
— Azizam, iltimos, menga turmushga chiq!
Qiz:
— Men turmushga chiqadigan yigit jasur, aqlli bo’lishi kerak.
Yigit:
— Nima, seni daryoga cho’kayotganingda kim qutqargan? Menmi?
Qiz:
— Albatta, jasurligingizga gap yo’q. Ammo bu aqllisiz degani emas.
Yigit:
— O’v, yaxshilab o’yla, o’shanda sen chiqqan qayiqni kim ag’darib yuborgandi?!.
* * *
Haddan ziyod semirib ketgan ayol bozorda tovuq sotayotgan kampirdan so’radi:
— Xola, tovug’ingizni nima berib boqqansiz?
— Voy, shu tovug’imni sotib olmoqchimisiz?
— Yo’q, menam shu tovuqqa o’xshab ozishni istardim.
* * *
Beshinchi sinfda o’qiydigan bolakay otasiga dedi:
— Dada, menga «Galaksi-6» degan smartfon olib bering!
— Xo’p, qani, sehrli so’zni ayt-chi unda!
— Zarifa.
— Zarifa? U kim?
— Siz oyimga bildirmay uchrashib yuradigan ayol.
— O’, o’g’lim… Shunaqa degin?.. Menga qara, kel, smartfoningga g’ilof ham sotib olamiz!
Olimjon HAYIT tayyorladi
