Kulgu

KUN KULGISI…

Комментариев нет

* * *

Hayotda yetarlicha tajriba to’plashga ulgurgan erkakning mulohazasidan:

— Muhabbat nima? Muhabbat bu xotiningga tikilib qolasan-u, «O’ldirib qo’yaymi shu yaramasni?» deb o’ylaysan. Ammo bu ishni ortga suraverasan, suraverasan…

* * *

— Dugonajon, ozib ketibsanmi? Nima bo’ldi?

— E, hammasiga asab sababchi. Erim boshqasini topib olibdi. O’sha jazmaniga bir dunyo pul sarflayapti. Uyga ichib kelib janjal qilgani qilgan!

— Ajrash! Unaqa erni boshingga urasanmi?

— Ajrashaman. Yana besh kilo ozib olay!

* * *

Muallima 5- sinf o’quvchisidan so’radi:

— Qo’lingda o’nta olma bor, yarmisini sinfdoshingga berding. Qancha olma qoladi?

— To’qqiz yarimta.

* * *

Ota talaba o’g’lini urishyapti:

— Qanaqa quloqsizsan? O’qish, bilim olish o’rniga qizlarning orqasidan chopasan-a!?.

— Dada, bilasizmi…

— E, bu yerda ota menmi, senmi?

— Ikkalamiz ham, dada.

* * *

Bank xodimi mijozga dedi:

— Amerikada tog’angiz bo’lgan ekan. Olamdan o’tibdi. Sizga Vashingtondagi hovlisini, o’n million dollar pulini va sevimli itini meros qilib qoldiribdi.

— Menga qarang, o’sha iti zotdormikan ishqilib?

* * *

Ikki montyor simyog’och tepasida o’tirardi. Pastdan qari kampir o’tib qoldi. Montyorlardan biri kampirga dedi:

— Onaxon, yerdagi simni uzatib yuboring!

Kampir simni uzatdi va montyorlardan biri sherigiga dedi:

— Ko’rdingmi, «nol» ekan. Sen bo’lsang, «faza» deganing degan.

* * *

Styuardessa yo’lovchilarga dedi:

— Hurmatli yo’lovchilar! Biz barchangizni samolyotimizga chiqqaningiz bilan qutlaymiz! Bort komandiri birinchi qadahni sizlarning xavfsizligingiz va manzilga eson-omon yetib olishingiz uchun ko’taradi!

* * *

Bo’yoqchi jinnixona devorini bo’yardi. Jinnilardan biri kelib so’radi:

— Cho’tkani mahkam ushlab olganmisan?

— Ha.

— Unda men narvonni ola ketaman.

* * *

Ona besh yashar o’g’lidan so’radi:

— Xola ketyapti. Nima deyish kerak?

— Bilmasam.

— Men doim senga nima deb o’rgatardim?

— «Xayriyat, yaramas ketdi! Yana uydagi kolbasani paqqos tushirdi-ya, ochopat!»

* * *

Erkak jazmaninikiga keldi. Jazmani darrov stol ustiga noz-ne’matlarni qo’yib, erkakka dedi:

— Azizim, oshxonadagi pichoqni o’tkirlab bering!

Erkak pichoqni o’tkirlarkan, o’zicha o’yladi:

— Qiziq, men uyda hech qachon pichoq o’tkirlamaganman. Ammo negadir pichoqlar doim o’tkir bo’ladi. Mening uyimdagi pichoqlarni kim o’tkirlarkin-a?

Teglar: ,

Related Articles

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.

Haqiqiy hangomaning bundan battari bo’lmaydi…
Keling, biir kulishamiz!
Меню