KUN KULGISI…

 

 

* * *

 

Muallima o’quvchilardan so’radi:

— Bolalar, elektr toki uylarimizga qaerdan oqib kelishini bilasizlarmi?

Toshmat:

— Ha, bilamiz. Elektr toki changalzorlardan, o’rmonlardan oqib keladi.

— Nega bunday deb hisoblaysan?

— Kecha dadam soqol olayotib «Maymunlar yana chiroqni o’chirib qo’yishdi», deb baqirdi.

 

* * *

 

Ona to’rt yashar o’g’ilchasini urishyapti:

— Nega hammayog’ing ho’l?

— Biz bolalar bilan «It-it» o’ynadik.

— Nima bo’pti?

— Men… Daraxt bo’ldim.

 

* * *

 

Besh yashar bola buvisiga dedi:

— Buvijon, biz bolalar bilan «Ayiq-ayiq» o’ynayapmiz. Yuring, biz bilan o’ynang!

— Men kim bo’laman o’sha o’yinda?

— Siz ayiqlar qafasiga konfet tashlayotgan kampir bo’lasiz.

 

* * *

 

Jinni kutubxonada.

— Iltimos, menga gamburger, kartoshka va kola bering!

— Ie, bu yer kutubxona, oshxona emas.

Jinni (shivirlab):

— Iltimos, menga gamburger, kartoshka va kola bering!

 

* * *

Jinni poezdda ketayotib sherigiga dedi:

— Qara, mashinist qanday qilib yerosti yo’li bo’ylab poezdni boshqara olarkin?..

— Yo’lni yaxshi bilsa kerak-da!

 

* * *

 

Jinni o’rtog’inikida mehmonda o’tirib so’radi:

— Chiroqni o’chirganingda u qayoqqa g’oyib bo’lishini bilasanmi?

— Yo’q.

— Hozir ko’rsataman.

Jinni yugurib borib muzlatkichni ochdi-da, dedi:

— Ana, muzlatkichda o’tiribdi.

 

* * *

 

Starshina askarlarni saflantirib oshxonaga olib ketyapti.

— Bir, ikki! Bir, ikki, uch!

Bir bolakay chopib kelib unga dedi:

— Amaki, men o’ngacha sanay olaman!

 

* * *

 

Bir yigit vokzalda mudrab o’tiribdi. Narigi o’rindiqdagi bir bola uni turtdi.

— Amaki, paltongizni o’g’irlab ketishdi!

Yigit o’g’rining ketidan chopib ketdi. Yetolmagach, to’xtab qo’l siltadi:

— Mayli, palto baribir menga kaltaroq edi.

 

* * *

 

Bir yigit do’stidan so’radi:

— Og’ayni, nega mushtlashuvlarga qizil rangli kostyumda borasan?

— Mabodo yaralansam, uydagilar qonni ko’rib qo’rqmasliklari uchun.

— Unda nega sariq shim kiyasan?..

 

* * *

 

— Boks ajoyib sport turi! Men bu sport turining orqasidan yaxshi pul topyapman.

— Siz ham bokschimisiz?

— Yo’q, tish do’xtiriman.

Olimjon HAYIT tayyorladi

 

Добавить комментарий

Ваш e-mail не будет опубликован. Обязательные поля помечены *