* * *
Juhuddan so’rashdi:
— Buncha shoshmasang? Qaerga ketyapsan o’zi?
— Aloqa bo’limiga.
— Kimgadir telegramma jo’natmoqchimisan?
— Yo’q, ruchkamning siyohi tugab qoldi. To’ldirib kelay.
* * *
Ayol vrach qabuliga keldi.
Vrach:
— Nega uzoq vaqt ko’rinmay ketdingiz?
Ayol:
— Kasal edim.
* * *
Operatsiyadan so’ng jarroh bemorga dedi:
— Kechirasiz-u, sizni qayta operatsiya qilishga majburmiz.
— Nega?
— Ichingizda qaychi qolib ketibdi.
— Do’xtir, operatsiya qilishingizga qarshi emasman. Lekin bir iltimosim bor.
— Qanaqa iltimos?
— Qaychini olgandan keyin qornimni tikish o’rniga tugmachalar o’rnatib qo’ya qoling! Keyingi safar yana biror narsani unutib qoldirsangiz, chiqarib olishingiz oson kechadi.
* * *
Bolakay bir kuni otasidan so’radi:
— Dada, «poxmel» nima degani?
Ota uzoq o’ylab turgach, javob qildi:
— O’g’lim, masalan, kechqurun yotishdan oldin sen ko’-o’p muzqaymoq yeding. Ertalab tursang, boshing tars yorilgudek og’riyapti. Bir qoshiq muzqaymoq yeysan-u, bosh og’rig’ing tuzaladi. Mana shuni «poxmel» deyishadi.
* * *
— Iltimos, bir shisha aroq bering!
— Og’ayni, soatga qaramadingmi? Biz kechki soat 11: 00 dan keyin aroq sotmaymiz.
— E, soatim bo’lsa qaraymanmi? O’sha soatimni aroq olaman deb sotib yuborganman!
* * *
Yangi o’zbek ofisga chopib kirdi-da, kotibasiga baqirdi:
— Stolimdagi changlarni nega artib tashlading? Men u yerga eng muhim telefon raqamini yozib qo’ygandim!
* * *
Ikki chukcha o’tirib olib astoydil bombani arralashardi. O’tkinchi ularga dedi:
— Vey, bu nima qilganlaring? Portlab ketadi-ku!
— Portlasa portlayversin! Bizda yana bitta bomba bor.
* * *
Bir kuni chukcha dengiz flotiga borib kema bo’yashga yollandi. Ishni tugatgach, kema rahbari tekshirib ko’rdi-da, so’radi:
— Nega kemaning bir tarafinigina bo’yabsan? Jinnimisan?
— O’zing jinnisan!.. Ana, qara, shartnomada «Chukcha bir tomondan, kema rahbari ikkinchi tomondan» deb yozib qo’yilgan.
* * *
Muallima beshinchi sinf o’quvchisidan so’radi:
— Eshmat, ayt-chi, odam aqlliroqmi, hayvonlarmi?
— Hayvonlar.
— Voy, nega?
— Masalan, men itimga gapirsam, hamma gapimni tushunadi. Lekin u gapirsa men nima deyotganini umuman tushunmayman.
* * *
Olti yashar Toshmat onasidan so’radi:
— Oyi, «manikyur» degan baliq bormi?
— Yo’q. Bu gapni qaerdan olding?
— Dadam og’aynisiga qo’ng’iroq qilib: «Kecha baliq ovida tun bo’yi manikyur qovurdim» deb aytdi.
* * *
Vrach qabulidan chiqqan bemor boshqa bir bemordan so’radi:
— Qiziq, nega do’xtir kabinetiga skelet o’rnatib qo’yibdi-a?
— Shu skelet egasi do’xtirning birinchi mijozi bo’lsa kerak.
* * *
Boshiga bolta sanchilgan o’rta yoshli bemor vrach qabulida o’tiribdi. Vrach xotirjamlik bilan so’radi:
— Xo’-o’sh… Bolalikda qizamiq, suvchechak, sariq kasali bilan og’riganmisiz?..
