***
Dadasi bilan birga bog’chaga ketayotgan bolakay dedi:
— Bugun bog’chamizga komissiya kelarkan. Dada, ular nimani tekshirishadi?
— Sizlarga qanday qarashayapti, ovqat berishayaptimi-yo’qmi, sizlar qanday uxlayapsizlar… Shularni tekshirishadi.
— Men qo’rqib ketayapman.
— Nimaga qo’rqasan?
— Burni oqadiganlarniyam tekshirib qolishsa-ya!?.
***
— Yaqinda biz tomonda zo’r voqea bo’ldi. Kelinni to’ydan so’ng to’ppa-to’g’ri tug’ruqxonaga olib ketishdi.
— E, bu nima bo’pti. Mana biz tarafda hayratlanarli voqea bo’lgan. Kuyovni to’ydan so’ng boshqa to’yga olib ketishgan.
***
— Voy, dugonajon, seni tanimabman-a!
— Nimaga?
— Ko’rinishing yaxshilanibdi.
***
Vrach haddan ziyod semirib ketgan ayoldan so’radi:
— Ozish uchun dori ichayapsizmi?
— Albatta.
— Qanchadan ichasiz?
— Voy, qancha deganingiz nimasi? Qornim to’ymaguncha ichaveraman.
***
Boks bo’yicha murabbiy shogirdiga dedi:
— Himoyani hech qachon unutma! Aks holda paraolimpiadalarda qatnashadigan bo’lib qolasan.
***
Ikki yigit “Kimning iti aqlli?” degan mavzuda bahslashayapti.
— Mening itim paypoqlarimni yuvadi, ovqat pishiradi.
— Meniki bo’lsa, uyga yangi gazetalar olib keladi.
— E, menikiyam pochta qutisidagi gazetalarni uyga olib keladi.
— Yo’q, tushunmading. Men umuman gazetalarga obuna bo’lmaganman.
***
Qadimda, hali raqamlar mavjud bo’lmagan paytlarda ertaklarni quyidagicha aytishgan ekan:
— Bo’ri va mana buncha echki bolalari…
— Ali bobo va ko’plab-ko’plab qaroqchilar…
***
Zolushka o’ksib-o’ksib yig’lardi. O’tkinchi undan so’radi:
— Qizaloq, nega yig’layapsan?
— Men bugun balga bora olmas ekanman.
— Nega bora olmas ekansan?
— Chunki, bal ertaga-a!!!
***
Pochtachi Pechkin dedi:
— Ilgari men juda jahldor edim,
— Nimaga?
— Negaki, velosipedimning men o’tiradigan o’rindig’i yo’q edi.
***
Sovet davri shunday maktab hisoblanganki, sen qancha a’lo baholarga o’qimagin, baribir ikkinchi yilga qoldiraverishgan,
***
Starshina rotani saflantirib dedi:
— Xo’sh, jangchilar, kim bugungi yangi yil bayramida Qorbobo bo’ladi? Bir qadam oldinga chiqsin!
Askarlar jim.
Starshina:
— Jangchilar, nima bo’ldi sizlarga? Hammangiz Qorqiz bo’lishni istaysizmi nima balo?
