* * *
Maktabda bezorilik qilib nom qozongan bola ulkan daraxt ro’parasiga keldi-da, dedi:
— Hozir bir urib buyragingni tushirib qo’yaymi?!.
* * *
Bolakayni dadasi tug’ruqxonaga chaqaloq ukasini ko’rsatish uchun olib keldi. Bolakay chaqaloq yo’rgagiga ilingan qog’ozchani ko’rdi-yu, qichqirdi:
— Dada, qarang, rostdanam ukam yangi ekan! Hali etiketkasiniyam yechishmabdi!
* * *
XXII asr. Do’konga onasi hamrohligida kirib kelgan olti yashar bola dedi:
— Oyi, agar manavi shokoladni olib bermasangiz, sizni hammaning oldida «buvi» deb chaqira boshlayman!
* * *
Gruziya armiyasi. Starshina askardan so’radi:
— Oddiy askar Givishvili, nega menga salom bermadingiz?
— Uxlab qolibman, shekilli.
— Ha, mayli, men bo’lsam hurmat qilmaysizmi, deb o’ylabman.
* * *
Do’konda.
— Kechirasiz, bizda qaytim yo’q edi. Shu qaytim o’rniga beshta Mikki Mausli saqich ola qoling!
— Ie, men sizga yosh bolamidim? Menga Terminatorlisidan bering!
* * *
Bozorchi ayol qo’shni peshtaxtadagi boshqa bir bozorchi ayoldan so’radi:
— Opovsi, baliqlarni necha puldan olganingizni ayta olmaysizmi?
— Voy, nega aytmas ekanman-a? Nega aytmas ekanman? Axir, biz siz bilan urishib qolganimiz yo’q-ku!
* * *
Er xotiniga dedi:
— Sen sadaqa bergan o’sha gadoy o’zini so’qirlikka solgani yo’q. Rostdan ham ko’zlari ko’rmaydi.
— Qaerdan bila qoldingiz?
— Sadaqa berganingda: «Rahmat, sohibjamol!» dedi-ku!
* * *
Xotin erini baliq oviga kuzatayotib dedi:
Agar laqqa qimmat bo’lsa, sazan ham olavering!
* * *
Olisga qatnaydigan yuk mashinasi haydouvchisi yo’l-yo’lakay bir qahvaxonaga kirib tovuq go’shti sotib oldi. Ammo qo’l yuvish uchun chiqqanda, qo’shni stolda o’tirgan uch bezori tovuq go’shtini yeb qo’ydi. Haydovchi hech narsa bo’lmagandek, go’shtning pulini to’ladi-da, chiqib ketdi. Birozdan so’ng bezorilardan biri sotuvchiga dedi:
— Bu yigit juda qo’rqoqqa o’xshaydi. O’zini himoya qila olmasligi aniq. Ko’rinib turibdi.
Sotuvchi:
— Ha, mashina haydashniyam bilmas ekan. Hozirgina yo’l chetida turgan uchta mototsiklni majaqlab o’tib ketdi.
* * *
Poezd kupesiga to’rt bolasi bilan birga ayol kirib o’tirdi. Bolalar to’polon qilishni boshlab yuborishdi. Jahli chiqqan yo’lovchilardan biri ayolga dedi:
— Biror yerga ketayotgan ayol bolalarining hech bo’lmasa yarmisini uyda qoldirib ketishi kerak.
— Men ham xuddi siz aytganday qilganman.
* * *
— Nega buncha qovog’ingni osiltirib olibsan? Biror narsa bo’ldimi?
— Kecha dollar sotib olgandim, pulim qolmadi.
