* * *

Kakku parranda grippi bilan og’rigandi. Bir ayol sumka ko’tarib o’tib qoldi.

Kakku:

— Xolajon, siz mabodo veterinar emasmisiz? Men yana qancha yashayman?

* * *

Xasis uyining tomini yopayotgandi. To’satdan pastga quladi. Oynasi ro’parasidan uchib yerga tusharkan, xotiniga qichqirdi:

— Xoti-in, ovqatni bir kosaga kamroq tayyorlagi-in!..

* * *

80 yoshli chol-kampirdan so’rashdi:

— Shuncha vaqt birga yashashga qanday erishdilaring?

Xotin:

— To’ydan so’ng erim xotinboz ekanini bilganim uchun «U teri kasalligi bilan og’rigan» degan mish-mish tarqatdim va 60 yil tinchgina yashadim.

Er:

— Men oltmish yil shu narsaga hamma ishondi deb xotinimni aldab keldim.

* * *

Chaqiruv komissiyasida.

— Xo’sh, chaqiriluvchi, qo’lingdan nima ish keladi? Ha-a, suvda piyoda yura olasanmi? Sen dengiz piyoda askarlari safida xizmat qilasan.

* * *

Yosh kelinlarga foydali maslahat:

— Agar to’ydan so’ng kuyovning qarindoshlari sizga yoqmaydigan idish-tovoqlar hadya etishsa, tashlab yuborishga shoshilmang! Oilaviy hayot shunday asabiy bo’ladiki, bir kun asqotib qolishi mumkin.

* * *

Ayol dugonasiga dedi:

— Qaynonam kir yoyayotib balkondan pastga qulab tushdi.

— Qanday yaxshi!

— Bu nima deganing? Bu sen uchun yaxshi. Men qattiq qayg’udaman.

— Nega?

— Chunki sen oltinchi qavatda yashaysan. Men jinni yaqinda birinchi qavatga ko’chib o’tgandim.

* * *

— Dugonajon, nega meni hammaning oldida jinni deding?

— Voy, kechir, boshqalardan yashirishingni bilmabman!

* * *

Qiz dugonasiga arz qilyapti:

— Kecha sevgan yigitim bilan uchrashuvga chiqsam, u menga so’lib qolgan gul sovg’a qildi.

— Sen uchrashuvga o’z vaqtida borishga harakat qilgin-da!

* * *

Erkak tug’ruqxona eshigi oldida turgancha bezovtalanardi. Nihoyat hamshira qora tanli chaqaloqni ko’tarib chiqdi. Erkak dahshatdan nima qilishni bilmay hayqirdi:

— Men xotinimdan buni kutmagandim! Yaramas, uyda ovqatni tagiga oldirgani yetmay, bolaniyam kuydirib yuboribdi-ya!

* * *

Ota o’g’lidan so’radi:

— Zoologiyadan a’lo baho olibsanmi?

— Ha.

— Qaysi savolga javob berding?

— Ustozim tuyaqushning oyog’i nechtaligini so’radi.

— Nima deb javob berding?

— Tuyaqushning oyog’i uchta dedim.

— To’xta, tuyaqushning oyog’i ikkita-ku!

— Hamma gap shunda-da! Boshqalar tuyaqushning oyog’i to’rtta deb javob berishdi.

Olimjon HAYIT tayyorladi

Olimjon Hayitning turli mavzulardagi xabarlari, maqolalari, hikoyalari endi “Telegramm” dagi alohida kanalda! Bizga qo’shiling, afsuslanmaysiz!

t.me/olimjonhayit