KUN KULGISI!!!

***

Tiqilinch avtobusga o’rta yashar erkak chiqib baqira boshladi.

— Akvarium ko’targan odamni o’tkazib yuboringlar!

Yo’lovchilardan biri hayron bo’lib so’radi:

— Qanaqa akvarium? Qo’lingizda hech vaqo yo’q-ku!

— Ie, bu nima deganing? Yaqinda besh litr pivo ichganman. Shuning o’zi akvariumdan kammi?

 

***

Polk komandiri rota komandirini chaqirib dedi:

— Oddiy askar Toshmatovning otasi olamdan o’tibdi. Lekin unga sekin, muloyim ohangda yetkazing!

— Xo’p bo’ladi!

Rota komandiri kazarmaga kelib askarlarni safga turg’azdi-da, dedi:

— Kimning otasi hayot bo’lsa, bir qadam oldinga chiqsin! Toshmatov, sen qayoqqa?

 

***

Jinni jinniga dedi:

— Men vaqtni to’xtatib qo’yishni bilaman.

— Qanday qilib?

— Soatning batareykasini olib qo’ysam bas, to’xtaydi.

 

***

Vrach bemorga djedi:

— Siz xotirjam yashashingiz lozim. Undan keyin kechirimli bo’lishingiz talab etiladi.

— Hammani kechirishim mumkin. Ammo boshlig’imni kechira olmayman.

— Nega?

— U o’tgan oyda maoshimni qirqib tashladi.

 

***

Erkak do’stidan so’radi:

— Nega seni ayollar yaxshi ko’radi?

— Chunki men aqlli, sahiy va kelishgan yigitman.

— Nega birontasiga uylana qolmaysan?

— Aytdim-ku aqlliman deb!

 

***

Qadimiy ingliz qo’rg’onida ziyofat bo’lyapti. Mehmonlardan biri qo’rg’onning orqa tarafiga o’tib uyoqdan buyoqqa yugura boshladi. Shunda oldidan arvoh chiqib qolib dedi:

— Hoy, men bu yerda to’rt yuz yildan beri yashayman. Hali hech kim meni senchalik bezovta qilmagandi.

Mehmon xursand bo’lib ketib dedi:

— Sizni uchratganim yaxshi bo’ldi. Shuncha vaqtdan beri yashasangiz, ayting, hojatxona qaerda?

 

***

Psixiatr bemordan so’radi:

— Nimadan shikoyatingiz bor?

— Qachon qarasa, meni kimdir kuzatayotgandek bo’laveradi.

— Qachon boshlandi?

— Turmadan qochganimdan so’ng.

 

***

Sog’ayib uyiga ketish arafasida turgan jinnidan vrach yana bir karra tekshirib olish niyatida so’radi:

— Agar bir qulog’ingni kesishsa, ko’ra olasanmi?

— Ha.

— Ikkala qulog’ingniyam kesib tashlashsa-chi?

— Yo’q.

— Nega?

— Qalpog’im pastga tushib ko’zlarimni to’sib qo’yadi.

 

***

Tong. Xotin kosaga bo’tqa solib o’g’ilchasining ro’parasiga qo’ydi. Ammo bolakay ovqat yeyishni istamayapti. Rosa avradi. Foydasi bo’lmadi. Shu payt ota sekin o’g’ilchaning qulog’iga shivirlagandi, u shoshib qo’liga qoshiqni oldi-da, ovqatlanishga tushib ketdi.

Xotin:

— Voy, nima dedingizki, bolamiz darrov ovqat yeyishga tushdi?

— Men unga: “Ovqat yemaganlar katta bo’lganda xotinchalish bo’lib qoladi” dedim.

Xotin qo’lidagi qoshiq bilan erining boshiga tushirdi.

Er:

— Nimaga urasan meni?

— Bolaligingizda bo’tqa yemaganingiz uchun!