KUN KULGISI…

KUN KULGISI…

 

 

* * *

 

Yoshi ellikdan oshgan erkak uyi eshigini taqillatdi. Ostonada paydo bo’lgan xotini uni ko’rib javray ketdi:

— Ha-a, qari tulki, qaerlarda yuribsiz? Yana yarim kechagacha ichgansiz, ulfatlaringiz bilan mushtlashgansiz, hoynahoy menga xiyonat qilgansiz-a, shundaymi? Gapiring!..

Erkak boshini eggan ko’yi javob qildi:

— Yo’q, xotin, dorixonada qulog’im uchun eshitadigan moslama olishga navbatda turgandim.

 

* * *

 

— Dadasi, nega hadeb menga it bilan muomala qilganday munosabatda bo’laverasiz? Uni olib kel, buni olib bor!.. Nima men sizga itmidim?

— Kim seni itga teng qilyapti?

— Hozir manavi tayoq bilan bir tushiraman, bilasiz-qo’yasiz!

— Xotinjon! Tayoqni tashla! Xotin, FU!

 

* * *

 

— Qish yomon-da! Mashinaning qulfigacha muzlab qolyapti. Sira ocha olmayapman.

— Qaynagan suv quyib ko’r.

— Ie, jinnimisan? Endi mashina o’g’irlashga qo’limda choynak bilan borishim qoluvmidi?

 

* * *

 

Ikki jinni dalada ketishayotgandi. Nariroqda boshqa bir jinni qo’llarini uyoqdan-buyoqqa silkitib, o’zini xuddi suvda suzayotgandek tutardi. Jinnilardan biri sherigiga dedi:

— Qara, shunaqalarning dastidan hammani jinni deb o’ylashadi.

— Ha, agar suzishni bilganimda-ku, hozir cho’ktirib yuborgan bo’lardim uni.

 

* * *

 

— Dadasi, sizga ikkita yangiligim bor. Biri yomon, ikkinchisi yaxshi.

— Yomonini ayt.

— Men homiladorman!

— Yaxshisi-chi?

— Voy, qo’rqmang, bola sizniki emas.

 

* * *

 

Kampir poliklinikaga keldi. Qarasa, yo’lakda oq xalat kiygan yigit turibdi. Unga murojaat qildi:

— O’g’lim, ko’zim o’tmayapti. Quloq degani qaerda o’zi?

— Quloqmas, otolaringolog. Hov anavi eshikka kirasiz.

Birozdan so’ng kampir yana uning oldiga qaytib keldi.

— O’g’lim, ko’z qaerda?

— Ko’z emas, okulist. Hov ana, ko’k eshik.

Oradan yarim soatlar o’tib kampir tag’in o’sha yigitga ro’para keldi.

— Bolam, sen o’zi kim bo’lib ishlaysan?

— Onajon, sizning tilingizda nima deyiladi, bilmadim-u, men ginekologman.

 

* * *

 

General harbiy qism hovlisida sayr qilib yurgan askardan so’radi:

— Nega ishsiz yuribsiz? Xizmatga chaqirilmasingizdan avval kim bo’lib ishlagansiz?

— Savdo firmasi direktori edim.

— Qo’l ostingizda necha kishi ishlardi?

— O’n kishi.

— Xo’p, o’shalardan birontasi ishlamay o’tirgan bo’lsa, qanday chora ko’rgansiz?

— O’sha zahoti ishdan bo’shatib yuborganman.

 

* * *

 

Talaba do’stining ustidan bir kulmoqchi bo’lib u kelib o’tiradigan kursiga bo’yoq surib qo’ydi. Do’sti kirib kelib so’z qotdi:

— Og’ayni, men…

— Avval o’tir.

— To’g’risi, men senga…

— O’tirsang-chi!

Ikkinchi talaba joyiga o’tirgach, so’radi:

— Xo’sh, nima demoqchi eding?

— Bugun sening shimingni kiyib kelgandim.

 

* * *

 

— Dada, nega oyimga uylangansiz?

Ota xotini tomonga o’girildi-da, g’udranib qo’ydi:

— Ko’rdingmi, xotin, senga nima uchun uylanganimni hatto bolayam tushunmayapti!

 

* * *

 

Starshina oddiy askarni urishyapti:

— Seni uch marta chaqirtirdim. Nega kelmading?

— Men qo’ng’iroqni eshitmay qolibman.

— Nimaga tez kelib qo’ng’iroqni eshitmay qolganing haqida hisob bermading?

 

loading…

Добавить комментарий

Ваш адрес email не будет опубликован. Обязательные поля помечены *