* * *
Besh yashar bolakay onasidan so’radi:
— Oyi, bolaligingizda kompyuteringiz bo’lganmi?
— Yo’q.
— DVD ingiz-chi?
— Yo’q.
— Qo’l telefoningiz-chi?
— Yo’q.
— Oyi, dinozavrni ko’rganmisiz?
* * *
Qiz onasi haqida shunday o’ylaydi:
5 yoshda:
— Mening oyim hamma narsani biladi!
15 yoshda:
— Oyim hamma narsaniyam bilavermaydi!
18 yoshda:
— E, oyim nimaniyam bilardi?!.
30 yoshdan so’ng:
— Eh, o’shanda oyimga quloq solsam bo’larkan!
* * *
Xotin erini axlat tashlab kelish uchun yubordi. Er ko’chaga shippak, uy xalatida chiqib ketdi va ulfatlarini uchratib qoldi. Xullas, ertalabgacha kayf-safo qilishdi. Er ertalab uyga kirib keldi-da, xotiniga dedi:
— Qara, xotin, yaramaslar axlat tashlaydigan idishni shaharning nariga chetiga olib borib tashlashibdi-ya!
* * *
Erkak ko’chada hammayog’i ko’kargan do’stini uchratib qolib so’radi:
— Nima bo’ldi?
— Kaltak yedim.
— Nima sababdan?
— Aksa urgandim.
— Yo’g’-e! Qaerda aksa urding?
— Birovning uyida, shkaf ichida.
* * *
Yoshi saksondan oshgan kampir ko’chada bolalar aravachasini ko’rib qoldi-da, aravacha yetaklab ketayotgan juvonga kulimsirab qo’yib, ichkariga ko’z tashladi va dedi:
— Voy, bu egizaklarning ajoyibligini! Ikkalasiyam o’g’ilmi?
— Yo’q, bittasi o’g’il xolos. Ikkinchisi qovun, xolajon, qovun!
* * *
Shaharlik bolakay yana qishloqda yashovchi buvisinikiga keldi. Buvisi undan so’radi:
— Yana ota-onang janjallashdimi?
— Ha, oyim kurortdan qandaydir tripper degan narsani sovg’aga olib kelgan ekan. Dadamga sovg’a qildi, dadam Toshmat amakiga, u esa boshqa qo’shnisiga sovg’a qilibdi. Endi hammalari bir-birlari bilan urishishyapti. Tushunmadim. Oyim yo sovg’ani kam olib kelgan, yo hammaga baravar tarqatmagan.
* * *
Operatsiya stolida qaynota yotibdi. Jarroh uning kuyovi. Qaynota kuyovga dedi:
— O’g’lim, operatsiyani boshlashdan oldin bir narsani bilib qo’y, basharti qaynonang beva bo’lib qolsa, albatta sening hovlingga ko’chib o’tadi.
* * *
Muallima o’quvchidan so’radi:
— Tez javob ber! Beshni sakkizga qo’shsak, necha bo’ladi?
— Yigirma uch.
— Noto’g’ri, o’n uch bo’ladi.
— Axir, o’zingiz tez javob berishimni talab qildingiz, noto’g’ri javob berishimnimas!
* * *
— Yaxshi qiz, kechirasiz-u, ammo bir narsani aytaman. Siz judayam go’zalsiz!
— Kechirim so’rashingizga sira hojat yo’q. Bunda siz aybdor emassiz.
* * *
— Senmi uyqudagi sohibjamol?
— Ha.
— Nega unda juda xunuksan?
— Chunki hozirgina uyqudan uyg’ondim.
