KUN KULGISI…

* * *

Poezd kupesida erkak yolg’iz o’tirardi. Bezori qo’lida pichoq bilan kirib dedi:

— Pullarni chiqar!

— Bir tiyin ham pulim yo’q, aka!

— Unda nega titrayapsan?

— Men «pravadnik» misiz deb o’ylabman.

* * *

O’g’ri asta begona kvartira eshigini ochdi. Shu payt ro’paradagi qo’shni kvartira eshigi qiya ochilib, ayol kishining boshi ko’rindi. Ayol o’g’riga shivirladi:

— Ular tilla taqinchoqlarini baland shkafning tortmasiga, pullarini esa gilamning ostiga berkitishadi.

* * *

Kissavur do’stiga hasrat qilayapti:

— Bir orzum bor. Kattakon bankni o’marsam-u, u yerda qaynonamning barmoq izlarini qoldirsam.

* * *

Qariya daryodan oltin baliq tutib oldi. Baliq unga dedi:

— Otaxon, qo’shningizning atigi bittagina sigiri bor. Siz bo’lsa, uchinchi marta mendan qo’shnining sigirini o’ldirib yuborishimni so’rayapsiz.

* * *

— Salom! Qaerda ishlayapsan?

— Hech qaerda.

— Nima bilan bandsan unda?

— Hech narsa bilan.

— Ha, sening bilganing bilgan.

— To’g’ri, lekin raqobatchilar jonga tegdi.

* * *

Ikki jinni suhbatidan.

— Issiq suvni o’chirib qo’yishdi. Endi nima qilsam ekan-a?

— Jinnimisan? Mana men issiq suvni o’chirishlaridan oldin vannani, yana uchta tog’orani issiq suvga to’ldirib oldim.

* * *

Yigit do’stinikiga kelib dedi:

— Kel, yuz ming so’mdan garov o’ynaymiz. Senikiga nega kelganimni topa olmaysan!

— Nega topa olmas ekanman? Qarz so’rab kelgansan.

— Topolmading. Qani, yuz mingni chiqar!

* * *

— Yaxshi qiz, har kulganingizda sizni opqochib ketgim kelayapti.

— Voy, meni sevib qoldingizmi?

— Yo’q, tish do’xtiriman.

* * *

Imtihon. Professor talabalarga dedi:

— Hoy orqa partadagilar, bir-birlaringga shpargalka uzatishni bas qilinglar!

— Bu shpargalkamas, qarta o’ynayapmiz.

— Shunaqami?.. Kechiringlar!

* * *

Qamoqxona kamerasiga yangi mahbusni olib kirishdi. Qolganlar u bilan tanishmoqchi bo’lishdi.

— Xo’sh, qachon tug’ilgansan?

— Parizod burjida-ku, lekin xo’roz yilida tug’ilganman.

Olimjon HAYIT tayyorladi

Olimjon Hayitning turli mavzulardagi xabarlari, maqolalari, hikoyalari endi “Telegramm” dagi alohida kanalda! Bizga qo’shiling, afsuslanmaysiz!

t.me/olimjonhayit