* * *
Er xotiniga dedi:
— Turli yoshartiradigan dorilarni ichib yurishingga qarshi emasman. Lekin bir narsa esingda bo’lsin, qizing bilan sening orangda kamida to’qqiz oy farq bo’lishi kerak.
* * *
Xotin olis safarga ketgach, er unga telegramma jo’natdi:
— Xotin, qoshiq, sanchqilar qaerda?
Xotin javob yozdi:
— Uyda uxlash kerak.
Ertasiga yana shunday savol-javob bo’lib o’tdi. Oradan ikki hafta o’tib xotin safardan qaytdi.
Er:
— Qoshiq, sanchqilarning qaerdaligini bir og’iz so’z bilan aytib qo’ysang bo’lardi-ku!
Xotin:
— Aytdim-ku uyda uxlash kerak deb!
Va u karavotdagi ko’rpa ostidan qoshiq va sanchqini olib eriga uzatdi.
* * *
O’quvchi muallimdan so’radi:
— Ustoz, daftarimga nima deb yozdingiz? Hech narsani tushunib bo’lmayapti.
— «Tushunadigan qilib yozgin» deb yozdim.
* * *
Ikki tanish uchrashib qolishdi.
— Men mashina sotib oldim.
— O’, zo’r-ku!
— Zo’r ham gapmi? Mashinang bo’lsa, hamma narsaga ulgurarkansan. Masalan, kecha ertalabdan kechgacha juda ko’p ishni bajarishga ulgurdim.
— Masalan, qanday ishni?
— Mashinaning moyini almashtirdim, yangi ballonlar sotib oldim, bozorga tushib mashinamga yangi qanot sotib oldim. So’ngra avtoservisga borib uyoq-buyog’ini sozlattirdim. Mashinam bo’lmasa, shuncha ishni bajarishga ulgurmasdim-da!
* * *
— Dada! Meni endi sinfimda eng yomon o’quvchi demay qo’yishdi.
— Nimaga?
— Mendan ham yomon o’qiydigan yangi o’quvchi keldi.
* * *
Yo’l chetida mushuk o’lib yotardi. Bolakay onasidan so’radi:
— Oyi, mushukka nima bo’ldi?
— U o’lib qoldi va osmonga chiqib ketdi.
— Ie, osmonga chiqqandan keyin uyoqdagilar mushukni qaytadan yerga tashlab yuborishdimi?
* * *
Qiz dugonasiga arz qilyapti:
— Kecha sevgan yigitim bilan uchrashuvga chiqsam, u menga so’lib qolgan gul sovg’a qildi.
— Sen uchrashuvga o’z vaqtida borishga harakat qilgin-da!
* * *
Ota o’g’lidan so’radi:
— Zoologiyadan a’lo baho olibsanmi?
— Ha.
— Qaysi savolga javob berding?
— Ustozim tuyaqushning oyog’i nechtaligini so’radi.
— Nima deb javob berding?
— Tuyaqushning oyog’i uchta dedim.
— To’xta, tuyaqushning oyog’i ikkita-ku!
— Hamma gap shunda-da! Boshqalar tuyaqushning oyog’i to’rtta deb javob berishdi.
* * *
To’rt yashar bola onasiga dedi:
— Bugun bog’chamizda bizni do’xtir tekshirdi.
— Nimani tekshirdi?
— Nafas olayotgan-olmayotganimizni tekshirdi.
* * *
Qushlar ko’rgazmasida uchta to’tiqush sotuvga qo’yilgan. Birining narxi yuz ming, ikkinchisiniki besh yuz ming, uchinchisiniki esa bir million so’m. Xaridorlardan biri so’radi:
— Nega manavi to’tining narxi yuz ming so’m?
— U ikkita tilda bemalol gapiradi.
— Besh yuz ming so’mligi-chi?
— U uchta tilda gapiradi.
— Xo’p, u holda anavi to’tining narxi nega bir million so’m? U qanday karomat ko’rsatadi?
— Hech qanday karomat ko’rsatmaydi. Bu to’ti anavi ikkalasining boshlig’i.
