* * *
— Iting mening poyabzalimni olib qochib ketdi!
— Aqldan ozdingmi?! Itim hech qachon oyoq kiyimda yurmagan.
* * *
Uyga o’g’ri kirib, u yoq-bu yoqqa qaradi. To’tiqush qafasda o’tiribdi, ovcharka it esa bemalol yotibdi, hech kimga e’tibor berayotgani yo’q. O’g’ri uydagi qimmatbaho buyumlarni yig’ishtira boshladi. Bir payt to’tiqush dedi:
— Ahmoq!
O’g’ri tutiqushning gapiga e’tibor qaratmasdan yana buyumlarni to’playverdi. To’tiqush yana dedi:
— Ahmoq!
Nihoyat, o’g’ri ishini tugatib, ketishga chog’landi. To’tiqush:
— Ahmoq!
— Nima, sen shu so’zdan boshqasini bilmaysanmi? — so’radi o’g’ri?
To’tiqush dedi:
— Fas!
* * *
Ayol olti yashar o’g’lini qaymoqqa jo’natdi. U do’konga kelib, sut idishni rastaga qo’ydi.
— Bolakay, senga nima kerak?
— Onam qaymoq olib kel, dedi.
— Idishingni to’ldirib solaymi?
— Onam to’ldirib solsin, dedi.
Uning idishini to’ldirib qaymoq quygach, sotuvchi dedi:
— Qani, endi pulini ber-chi.
— Onam aytdiki, pul idishning ichidaykan…
* * *
Qahvaxonaga bir odam it etaklab kirib keldi-da, o’sha yerdagilar bilan itining gapira olishi to’g’risida bahs bog’ladi. Ammo it gapirmadi. Haligi odam hammaning kulgisiga qolib, qahvaxonani tark etdi. Yo’l-yo’lakay u itiga dedi:
— Sen tufayli bir dunyo pul yutqazdim! Nimaga gapirmading o’zi?
— Xo’jayin! — javob qildi ko’ppak. — Ertaga siz bilan bahs bog’laydiganlardan qancha pul yutishingizni tasavvur qilyapsizmi?
* * *
Uy egasi ertalab hovliga chiqsa, daraxtda «Zaporojes» osilib turibdi. Bir notanish erkak daraxtga suyangancha sigaret chekayapti.
— Nima bo’ldi? Nega bu mashina mening daraxtimda osilib turibdi?
— Quloq sol, men bu mashinani sotib olayotganimda, benzinni ko’p yeydi, yo’lda ketayotib to’satdan buzilib qolishi ham mumkin deb ogohlantirishgandi. Ammo yaramaslar itdan qo’rqishini sir tutishgan ekan.
* * *
Aeroportdagi e’londan:
— Kompaniyamiz yangi xizmat turini tashkil etdi. Endi barcha vasiyatnomalaringizni samolyotimiz havoga ko’tarilmasdan turib salonning o’zida rasmiylashtiramiz!
* * *
Qizaloq keksa bobosidan so’radi:
— Bobojon, kallangiz nega bo’m-bo’sh?
* * *
Besh yashar bolaning mikrob tushmasligi uchun onasi tozalab yuvdi. Faqat qaynagan suv ichishi kerakligini, mikroblardan saqlanishi lozimligini tayinladi. Shunda bola onasiga dedi:
— Oyi, bilasizmi katta bo’lgach, nima qilaman?
— Nima qilasan?
— To’yib mikrob yeyman.
* * *
— Oyi, uchganda qanday holatga tushishimni unutib qo’ydim.
— Sen hech qachon uchmagansan-ku!
— Nega uchmas ekanman? O’zingiz «Seni laylak olib kelgan» degandingiz-ku!
* * *
Besh yashar bolakay onasiga dedi:
— Oyi, katta bo’lsam, meniyam qizim bo’ladi. Uni ertalab bog’chaga o’zim olib boraman. Undan keyin siz meni maktabga olib borib qo’yasiz.
