* * *

 

Xususiy detektiv agentlikka qo’ng’iroq qilishdi.

— Firmangiz mening xavfsizligimni ta’minlab bera oladimi?

— Albatta.

— Unda sizlarni bugun tungi soat birda falon bank ro’parasida kutaman!

 

* * *

 

Kameraga yangi mahbusni olib kirishdi. U boshqa mahbuslarga dedi:

— Qo’rqmanglar, men bu yerda ikki haftagina yashayman xolos.

— Nima sababli qamalding?

— Xotinimni onasi bilan birga so’yib tashladim.

— Shunga ikki haftagagina qamashdimi?

— Yo’q, ikki haftadan so’ng meni osishadi.

 

* * *

 

Bir yigit kechasi katta ko’chada ketayotgandi. Ro’parasidan devday bir erkak chiqib muloyim ohangda so’radi:

— Oshna, soat necha bo’ldi?

— O’n ikki.

— O’ soating zo’r-ku, qani, buyoqqa cho’z!..

— Voy-do-od! Yordam beringlar-a-ar!..

— Ie, hali tishlaring ham tillamidi?

 

* * *

 

Bashang kiyingan bir bosqinchi sekin bankdagi hisobchi qizga yaqin bordi-da, unga bir xat tutqazdi. Xatda shunday deb yozilgandi:

— Hamma pullarni xaltaga joylab, sekin mening qo’limga topshiring!..

Qiz boshqa qog’ozga shunday javob xati yozib o’g’riga uzatdi.

— Bo’yinbog’ingizni to’g’rilab oling! Sizni suratga olishyapti!

 

* * *

 

Turma yonidan o’tib ketayotgan go’zal bir qizga mahbuslar panjara ortidan turib qichqirishdi:

— Yaxshi qiz!.. 2050 yil kechqurun soat yettida bo’shmisiz?

 

* * *

 

O’g’ri sherigidan so’radi:

— Bugun restoranda tushlik qildingmi deyman?

— Sen qaerdan bila qolding?

— Yangi palto kiyib olibsan-ku!

 

* * *

 

Talaba sherigiga dedi:

— Kecha yarim tunda menga bosqinchi hujum qildi.

— Ie, nahotki?.. Keyin nima bo’ldi?

— Cho’ntaklarimni kovlashtirib ko’rdi-da, negadir og’ir xo’rsinib qo’limga bir dollar tutqazdi-yu, g’oyib bo’ldi.

 

* * *

 

Piyodani «Mersedes» urib ketdi va oyog’i sindi. Sudda u haydovchi yuz ming dollar tovon puli to’lashini talab qildi. Haydovchi:

— Nima, siz meni millioner deb o’ylayapsizmi?

— Siz-chi? Meni qirqoyoq deb o’ylayapsizmi?

 

* * *

 

Olis qishloqlardan biri. Besh yashar bolakay otasidan so’radi:

— Dada, biznikigayam haqiqiy Qorbobo keladimi?

— Yo’q, o’g’lim, haqiqiy Qorbobo hozir shaharda yuribdi. Biznikiga Xitoy Qorbobosi keladi.

 

* * *

 

Muallima beshinchi sinf o’quvchilaridan so’radi:

— «U uy tozalayapti», «Sen uy tozalayapsan», «Ular uy tozalashyapti». Qaysi zamonda?

— Yangi yil arafasida bo’lsa kerak.