***

 

Aytishlaricha, Oyshaxonning onasi matematikadan juda yomon o’qigan ekan. Shuning uchun ham Oyshaxon tug’ilibdi.

 

***

 

Marshrut taksi eshigidagi e’londan:

— Yo’lovchilar, eshikni qattiq yopmanglar! Eshik joyidan ko’chib oyoqlaringizga tushishi mumkin!

 

***

 

Folbin mijoz ayolga dedi:

— Singlim! Eringiz xavf ostida. Yaqinda beva bo’lib qolasiz.

— Buni o’zim ham bilaman. Siz menga oqlanamanmi-yo’qmi, shuni ayting!

 

***

 

O’quvchi:

— Fuqarolar urushi 1812 yilda bo’lgan.

Muallim:

— Shundaymi? Balki, bizga shu urushni ta’riflab ham berarsan?

O’quvchi:

— Bu urushda Rossiya va Fransiya fuqarolari jang qilishgan.

 

***

 

Qush bo’lib tug’ilish juda yomon. Chunki, tuqqan onangni erkalanib o’pmoqchi bo’lasan-u, cho’qib olgan bo’lib chiqaverasan.

 

***

 

Bir haydovchining hasratidan:

— Oshna, bizning mahalliy mashinalarga xavfsizlik yostiqchasining nima keragi bor-a? To’g’ri aytdimmi? Masalan, bizda tibbiy xizmat bepul bo’lsa, buning ustiga imtiyozlilarni ham bepul dafn etishadi.

 

***

 

To’g’ri, baxt cho’ntakdagi pulning qanchaligi bilan belgilanmaydi. Ammo ko’pchilik avtobusdan ko’ra “Limuzin” yoxud BMV salonida o’tirib yig’lashni ma’qul ko’radi.

 

***

 

Geometriya fani qonunlariga ko’ra, sevgi uchburchagi uchta burchakdan biri ahmoq va go’l bo’lgandagina mavjud bo’ladi.

 

***

 

Foydali maslahat:

— Bildingki, kimlardir senga chuqur qaziyapti. Xalal bera ko’rma. Qazib bo’lishsin. Yaxshigina basseynli bo’lib qolasan.

 

***

 

— Do’xtir, bu jarohatdan so’ng ayollar haqida umuman o’ylamaymanmi?

— Aslo. Men buni skeleroz bo’yicha buyuk mutaxassis sifatida aytyapman.

Olimjon HAYIT tayyorladi