KUN KULGISI…

KUN KULGISI…

* * *

Xitoyliklar Pentagon kompyuter tizimini buzib kirishdi. Voqea shunday bo’lgandi:

1. Har bir xitoylik bittadan parol terib ko’rdi.

2. Har ikkinchi parol «Mao Szedun» edi.

3. 743571810- urinishdan so’ng kompyuterning o’zi «Mao Szedun»ligini tan oldi.

* * *

Ijrochi direktor korxona bosh direktoriga dedi:

— O’rtoq boshliq, men qanday qilib hisobimizdagi pulni iqtisod qilish yo’lini topdim!

— Ie, ishdan bo’shamoqchimisan?

* * *

It maqtandi:

— Oh, yaqinda xo’jayinnikida katta to’y bo’ladi! Maza qilaman!

Tovuqlar bu gapni eshitib og’ir xo’rsingancha ters burilishdi.

* * *

Evreydan so’rashdi:

— Tasavvur qiling, beshta olmangiz bor. Shularning yarmini do’stingizga bersangiz, o’zingizda nechta olma qoladi?

— Beshta.

* * *

Xotin eriga dedi:

— Meni kechiring!

— Nega?

— Bugun tushlik paytida ishxonangizga kirib, kostyumingiz kissasidan uch yuz dollar olgandim.

— Hechqisi yo’q, men u ishxonadan ketganimga ikki hafta bo’ldi.

* * *

Sudya ayblanuvchiga dedi:

— Tabriklayman! Siz sudimiz tarixidagi o’n minginchi jinoyatchisiz. Shu munosabat bilan mukofot sifatida sizga bir imkoniyat beraman. Jazoni qaysi turmada o’tashni o’zingiz hal qiling. Xo’sh, qaysi turmada jazoni o’tamoqchisiz?

— Ayollar turmasida.

* * *

— Bilasanmi, DAN xodimlari keyingi paytda umuman hushtak chalmaydigan bo’lib qolishdi.

— Uyalishyaptimikan?

— Yo’q, «hushtak chalsa, cho’ntakka pul tushmaydi» degan aqidaga amal qilishyaptiykan.

* * *

Xotin eriga dedi:

— Anavi yo’lning narigi chetidagi qo’shnilarga hech qachon yeta olmasak kerak. Qarang, ularning uyini o’g’rilar ikki marta o’marib ketishdi. Biznikiga bo’lsa, hali bir martayam o’g’ri tushgani yo’q.

* * *

Direktor yordamchisi lavozimiga ishga kirayotgan erkakdan so’rashdi:

— Tasavvur qiling. Ikki kishilik mashinada ketyapsiz. Yo’lda uch yo’lovchi sizni to’xtatib, olib ketishni iltimos qildi. Ularning biri rahbaringiz, ikkinchisi o’rta yashar ayol, uchinchisi yosh qiz. Qanday yo’l tutardingiz?

— Mashinadan tushib kalitni rahbarimga berardim va o’rta yashar ayolni olib ketishini iltimos qilardim. O’zim esa, yosh qiz bilan qolardim.

* * *

Ikki folbin uchrashib qolishdi. Biri ikkinchisidan so’radi:

— Xo’sh, mening ishlarim qalay?

Olimjon HAYIT tayyorladi

Добавить комментарий

Ваш адрес email не будет опубликован. Обязательные поля помечены *