KELING BIR KULIShAYLIK !!!

***

— Qo’shnijon, sigirlaringizni nima bilan boqasiz?

— Nega so’rayapsiz?

— Men ham ularga o’xshab ozmoqchi edim.

 

***

— Dadasi, do’kondan non olishni unutibman. Chiqib kelasizmi?

Er o’n besh daqiqadan so’ng qo’lida non va bir shisha aroq bilan kirib kelib dedi:

— Xotin, o’lay agar, bugun ham sotuvchining qaytimi yo’q ekan.

 

***

Ota o’g’lidan so’radi:

— Xo’sh, maktabda ishlar qalay?

— Zo’r, beshinchi sinf bilan o’rtamizdagi shartnoma yana bir yilga uzaytirildi.

 

***

Lagerda dam olayotgan o’quvchi ota-onasiga xat yozdi:

— Kecha lagerimizda boks bo’yicha musobaqa bo’lgandi. Shuning uchun tish cho’tkasi, pastasi va shunga o’xshash keraksiz narsalarni uyga jo’natayapman.

 

***

Pashsha boshqa bir pashshadan so’radi:

— Kechirasiz, manavi kursi bo’shmi?

 

***

— Nega xafasan?

— Xotinim bir oyga kurortga ketayapti.

— Ha-a, seni tushunsa bo’ladi.

— Yo’q, tushunmading. Agar o’zimni xafa bo’lgandek tutmasam, fikridan qaytishi mumkin.

 

***

— Toshmatvoy, nega mushuk haqida yozgan uy vazifang xuddi akangnikiga o’xshaydi?

— Chunki, uyimizda mushugimiz bitta.

 

***

— Aytishlaricha, qizingni qo’l ostingda ishlaydigan hisobchingga berganmishsan?

— Ha.

— U g’irt o’g’ri-ku! Qachon qarasa, pullaringni o’margani o’margan edi.

— To’g’ri, lekin endi u o’g’irlagan pullarini qizimning qo’liga tutqazadi.

 

***

Muallim o’quvchining matematikadan bajargan uy ishini ko’rib chiqdi-da, dedi:

— Adashmasam, ikkalamizdan birimiz aqldan ozganga o’xshaymiz.

Ertasiga o’quvchi muallimaning stoliga bir qog’oz qo’ydi.

Muallim:

— Bu nima?

— Mening aqldan ozmaganim to’g’risida ma’lumotnoma.

 

***

— Ishonasanmi, so’nggi vaqtlarda menga sira uyqu berishmayapti. Yarim kechasiyam bir qo’shnim shovqin ko’targani ko’targan.

— Nima, qo’shning musiqachimi?

— Yo’q, jarroh.

 

***

Talabalar to’yida.

— Nega kelin hech narsa ichmayapti?

— U pul qo’shmagan.