***
Tijoratchi ota o’g’lidan so’radi:
— Ikki karra ikki necha bo’ladi?
— Olti.
— Bekorlarni aytibsan! To’rt bo’ladi.
— Bilaman. Bir savdolashay dedim-da!
***
Janjallar joniga tekkan er xotiniga dedi:
— Onasi, kel, bundan buyon muammoni janjalsiz, tinchlikda hal etamiz!
— Yo’q.
— Nega?
— Endi muammoni tinchlik yo’li bilan hal etishga kirishsak, nuqul siz haq bo’lib chiqaverasiz.
***
Qiz yigitga dedi:
— Menga shilqimlik qilmang! Sadoqat bo’yicha qora kamar sohibasiman!
***
Qiz yigitdan so’radi:
— Vindovsimni qaytadan o’rnatib bera olmaysizmi?
— Ie, yaqinda olding-ku noutbukingni! Nega vindovsni qayta o’rnatmoqchisan? Jinni bo’lganmisan?
— Uf-f, muncha ovsarsiz? Ishoraniyam tushunmaysizmi?
— Ha-a, o’zing vindovsingni eplab o’rnatolmaysan-u, men ovsar ekanman-da-a?
***
— Og’ayni, do’xtir aytdiki, menda tog’ chang’isi sportiga tug’ma iste’dod bor ekan.
— Bu nimada namoyon bo’larkan?
— Suyaklarim sinsa, juda tez bitib, tiklanib ketarkan.
***
Xotin ertalab tashqari eshikni ochsa, ostonada eri dumalab yotibdi. Uyg’onib ketib so’radi:
— Nega yarim kechasi eshikni taqillatsam ochmading?
— Voy, kimsiz? Dadasi sizmisiz deb so’rasam, indamadingiz-ku!
— Nega indamas ekanman? Boshimni qimirlatdim-ku, g’alcha!
***
Ikki burga erkakning kal boshi uzra sayr qilardi. Biri ikkinchisidan so’radi:
— Oshna, esingdami, biz mana shu yerda bir paytlar bekinmachoq o’ynardik?!.
***
Sinfga yangi tarix muallimi keldi. Birinchi kun o’quvchilarning bilimini sinab ko’rish niyatida savol tashladi:
— Bolalar, Bastiliyani kim olgan?
O’quvchilar baravariga:
— Biz olmadik, ishoning!!!
Muallim hafsalasi pir bo’lib direktor kabinetiga kirdi-da, bo’lgan voqeani gapirib berdi. Direktor birpas bosh qashib turgach, dedi:
— Qo’yavering, tashvish chekmang!” Agar o’quv yili oxirigacha qaytarishmasa, “ispisat” qilvoramiz!
***
90 dan oshgan kampir do’konga kirib sotuvchidan so’radi:
— Bolam, balig’ing “svejiy”mi?
— Onajonim-ey-y, baliq hali tirik-ku! Ko’rmayapsizmi?
— Ko’ryapman. Ammo menam tirikman, ammo “svejiy”masman.
***
Maktabda o’quvchilar imtihon topshiryapti. Imtihon oluvchi o’quvchidan so’radi:
— Dunyoning ilk uchuvchisi kim bo’lgan?
— Yalmog’iz kampir.
