* * *
— Allo! Azizim, men bu yerda juda-juda yolg’izman! Bu yer judayam sovuq! Qo’rqib ketyapman! Iltimos, meni kutib oling!
— Azizam! Sen qo’rqma! Sekin katta sochiqqa o’ralgin-da, vannaxonadan chiqib yo’lakning chirog’ini yoq!
* * *
— Dugonajon, ba’zida erim meni «xazinam» deb erkalaydi.
— Bu yaxshi-ku! Qaniydi mening erim ham shunday erkalasa!
— Yo’-o’q, men bu erkalashidan qo’rqaman!
— Nega?
— Voy, bir kun ko’mib qo’ysa-chi?
* * *
Oltinchi sinfda o’qiydigan bolakay uyga kelib onasiga maqtandi.
— Oyi, men sinfdoshim Go’zalni kuzatib qo’ydim.
— Nima, u qiz uzoqda yashaydimi?
— Bilmadim.
— Unda qaergacha kuzatding?
— O’zimizning uygacha.
* * *
Professor imtihon topshirishga kirgan talabadan so’radi:
— Familiyangiz nima?
Talaba (kulib): — Toshmatov!
Professor:
— Nega kulyapsiz?
Talaba:
— Birinchi savolingizga to’g’ri javob berganimdan xursandman!
* * *
70 yashar otaxon vrach qabuliga kirdi. Vrach uni tekshirib ko’rib dedi:
— Yoshingizga nisbatan ancha sog’lomsiz… Kechirasiz, otangiz necha yoshida olamdan o’tgan?
— Kim aytdi senga otamni olamdan o’tgan deb? Otam tirik, hozir 95 yoshda.
— Qarang-a! Unda bobongiz necha yoshida o’lgan?
— Kim aytdi senga bobomni o’lgan deb? Bobom ham tirik, hozir 120 ga kirdi. Kelasi haftada uylanyapti.
— Ie, shu yoshga kirganda nega uylanish haqida o’ylab qolibdi?
— O’ylab qolgani yo’q… Otasi «Ko’zim tirikligida to’yingni ko’rib qolay, uylan!», deb qo’ymayapti.
* * *
Keksa xasis notariusga kirib so’radi:
— Men vasiyatnoma qolldirmoqchiydim. Siz bilan maslahatlashib olsam bo’ladimi?
— Ha.
— Ayting-chi, «Hech biring hech vaqo olmaysan» degan gap qo’shib yoziladimi, ajratibmi?
* * *
Poliklinikaga bir yigit kirib keldi-da, har bir kabinet ro’parasiga borib navbat ola boshladi. Hamma hayron edi. Shunda navbatda turganlardan biri so’radi:
— Nega hamma vrachning qabuliga navbat olyapsan? Kasaling nima o’zi?
— Kasalim ko’p-u, ammo har birining tadbirini topaman. Masalan, oshqozonim faoliyati buzilsa, qon bosimim tushib ketsa, ko’tarilib ketsa, anginaga uchrasam, bir xil ichkilik ichaman.
— Suv-chi? Suv ham ichib turasanmi?
— Suv? Yo’q, hali unaqa kasalga uchramaganman.
* * *
Erkak kurortda bir ayol bilan tanishdi. Birinchi kuni uning qo’lidan tutdi. Ikkinchi kuni kaftlarini silashga erishdi. Uchinchi kun yelkasiga qo’lini qo’ydi. Shunda ayol uni jerkib tashladi:
— Nima, meni kurortda olti oy dam oladi deb o’ylayapsizmi?
* * *
— Professor, zontigingiz teshilib qopti!
— Bu mening yangi ixtirom. Shu teshikka qarab yomg’ir to’xtagan-to’xtamaganini bilib olaman.
* * *
Ertalab baliqchi ko’l bo’yida baliq tutyapti. Boshqa bir baliqchi kelib undan so’radi:
— Suv qalay bugun?
— Ajoyib! Shuning uchun yaramas baliqlarning sira suvdan chiqqisi kelmayapti.
Olimjon HAYIT tayyorladi
Olimjon Hayitning turli mavzulardagi xabarlari, maqolalari, hikoyalari endi «Telegramm» dagi alohida kanalda! Bizga qo’shiling, afsuslanmaysiz!
t. me/olimjonhayit
