BIR TUTAM KULGIM BOR, KULMAYSIZMI?..

 

 

* * *

 

— Dadasi, men siz bilan jiddiy gaplashib olmoqchiman.

— Bo’pti, sen boshlab turaver, men g’izillab do’konga chiqib kelaman!

 

* * *

 

Er: — Senga uylanishga qaror qilganimda g’irt ahmoq ekanman.

Xotin: — Qarang, sizni shu qadar qattiq sevib qolgan ekanmanki, ahmoqligingizni payqamabman-a!

 

* * *

 

Xotin:

— Ertaga biznikiga onam kelarkan.

Jimlik.

— Gapimni eshitdingizmi?

Jimlik.

— Nima, onam kelishidan xursand emasmisiz?

Jimlik.

— Mana bu boshqa gap. Jahlingiz chiqmasligini bilardim.

Og’ir xo’rsinish.

— Menga baqirmang!

 

* * *

 

Xotin:

— Siz meni hech qachon sevmagansiz. Qasam ichib aytamanki, o’lganimdan so’ng ertasi kuniyoq boshqasiga uylanib olasiz.

Er:

— Qasam ichishning nima keragi bor? Shundoq ham gapingga ishonaman.

 

* * *

 

Er xotini bilan janjallashib qolib, ko’ch-ko’ronini yig’ishtirdi-da, ketish oldidan dedi:

— Men albatta kosmonavtlikka o’qiyman. Sen bilan yashagandan ko’ra meteoritga urilib o’lganim yaxshi.

Oradan bir daqiqa o’tar-o’tmas, qaytib kirib dedi:

— Omading bor ekan! Tashqarida jala quyyapti.

 

* * *

 

— Eshitdingmi, Toshmatvoy aka tomorqasiga judayam qo’rqinchli yog’och haykalcha qo’yib olibdi!?

— Yo’g’-e!

— Ha, haykalcha shu qadar qo’rqinchli ekanki, o’tgan yili don o’g’irlab ketgan qarg’alarning hammasi o’sha donlarni qaytarib berishibdi.

 

* * *

 

— Do’xtir, rahmat! Meni boylik vasvasasidan xalos etdingiz! Xo’sh, xizmat haqingizga necha million so’m so’raysiz?

 

* * *

 

Juhud xotinini begona erkak bilan tutib oldi. Sudda undan so’rashdi:

— Nega o’sha erkakning peshonasiga to’pponcha tiradingiz-u, otib tashlamadingiz?

— Men to’pponchani uning boshiga tiraganimda: «Shu to’pponchang uchun qancha so’raysan» dedi. O’zingiz o’ylang, tijorat haqida gapirgan odamniyam o’ldirib bo’larkanmi.

 

* * *

 

Boyvachchaning o’g’li institutga kirish imtihonini topshiryapti. Imtihon oluvchi undan so’radi:

— Oxirgi savol. Rus-yapon urushi qaysi davlatlar o’rtasida bo’lib o’tgan?

 

* * *

 

— Itingiz zotdormi?

— Ha, itim aristokratlar xilidan. Afsuski, gapirishni bilmaydi-da! Agar gapirishni bilganda, siz bilan ham, men bilan ham gaplashib o’tirmagan bo’lardi.