BIR ChIMDIM KULGIM BOR, KULMAYSIZMI?.. 1

BIR ChIMDIM KULGIM BOR, KULMAYSIZMI?..

 

 

* * *

 

Er xotiniga dedi:

— Turli yoshartiradigan dorilarni ichib yurishingga qarshi emasman. Lekin bir narsa esingda bo’lsin, qizing bilan sening orangda kamida to’qqiz oy farq bo’lishi kerak.

 

* * *

 

Muallima o’quvchidan so’radi:

— Seningcha, ideal maktab qanday bo’lishi kerak?

— Yopiq bo’lishi kerak.

 

* * *

 

O’qituvchi:

— Daraxt jinoyatchidan qanday farqlanadi?

O’quvchi:

— Daraxtni avval o’tqazishadi, keyin o’sib-ulg’ayadi. Jinoyatchi esa, avval o’sib-ulg’ayadi, keyin olib borib o’tqazishadi.

 

* * *

 

— Ayt-chi, oshna, sen o’zingni insofli odam deb hisoblaysanmi?

— Ha.

— Agar ko’chada ketayotib million so’m pul topib olsang, egasiga qaytararmiding?

— Ha, agar o’sha pullar kambag’al odamga tegishli bo’lsa.

 

* * *

 

Er uyga erta tongda kirib keldi. Xotini uni urisha boshlagandi, qayirib tashladi.

— Men erkin qushman, qachon istasam, o’shanda uchib kelaveraman.

Ertasi kuni xotini erta tongda uyiga kirib keldi-da, dedi:

— Men asira qushman. Endigina qo’yib yuborishdi.

 

* * *

 

Ikki kampir o’zaro gaplashishayapti.

— Anavi qo’shnining maktabda o’qiydigan o’g’li shahar tashqarisidan haqiqiy mina topib olibdi.

— Ha, biznikigayam eshitildi.

 

* * *

 

Tarix darsida muallim o’quvchilarga nemis konslageri haqida gapirib berayotgandi. Bir o’quvchi uning so’zini bo’ldi.

— Mening bobom o’sha konslagerda halok bo’lgan ekan.

— Bobongni qiynab o’ldirishgan ekanmi?

— Yo’q, mastlikda soqchilar turadigan vishkadan yiqilib tushibdi.

 

* * *

 

O’quv mashg’ulotlari paytida serjant sezdiki, yangi chaqirilgan askarlardan biri tinimsiz titrayapti.

U so’radi:

— Nega qaltirayapsan?

— Yo’q, men qo’rqqanimdan qaltirayotganim yo’q. Dushman hali mening bu yerdaligimni bilmaydi. Bildirib qo’ygim kelayapti.

 

* * *

 

Er vannaxonada cho’milayotib xotiniga qichqirdi:

— Xotin, manavi shampun quruq sochlar uchun ekan. Men sochimni ho’llab qo’yibman-ku, nima qilay?

 

* * *

 

Direktor bir o’quvchiga maktab derazalarini bo’yashni buyurgandi. Ikki soatdan so’ng o’quvchi direktordan so’radi:

— Romlariniyam bo’yaymi?

 

 

Добавить комментарий

Ваш e-mail не будет опубликован. Обязательные поля помечены *