Please log in or register to like posts.
News

 

 

* * *

 

Bog’chaga qatnab, maktabga chiqish arafasidagi qizaloqqa onasi tushuntiryapti:

— Bog’chada faqat o’ynarding, qizim. Lekin maktabda mehnat qilishing kerak bo’ladi.

— Mehnat? Oyijon, unda o’sha maktabga yarim stavkaga ishga kirib, qolgan vaqtimni bog’chada o’tkazaversam bo’lmaydimi?

 

* * *

 

Juhud ayol dugonasiga dedi:

— Ishonasanmi, yomon tush ko’ribman. Go’yo ering ikkalang uyingni ijaraga berib, biznikida yoz bo’yi yashash uchun mehmonga kelganmishsizlar.

 

* * *

 

Erkak do’stiga dedi:

— Eshitdingmi, Mo’mintoy zo’r, aqlli ayolga uylanibdi. Vey, xotini yettita tilda gaplasharmish. Qanday baxtli-ya, Mo’mintoy!

— Nimasi baxtli? Baxtsiz degin! Bechora degin!

— Nega?

— Bizning xotinimiz bittagina tilda gapiradi, shundayam ikkalamizga kun yo’q!

 

* * *

 

Xotin uzoq muddatli xizmat safaridan qaytib kelsa, uydagi jihozlar yo’q. Eridan so’radi:

— Jihozlar qani?

— Sotib yubordim.

— Puli qani unda?

— Qopchada.

— Qopcha qaerda?

— Ko’zlarimning ostida.

 

* * *

 

Yigit armiyadan qaytib ishga joylashish uchun bir tashkilotga bordi. Undan so’rashdi:

— Xo’sh, qo’lingizdan nima ish keladi?

— Yer kovlay olaman.

— Yana-chi?

— Kovlamasligim ham mumkin.

— Bundan tashqari yana qanday ish bajara olasiz?

— Masalan, belkurakni yashirib qo’yishim mumkin. Hayotda topa olmaysizlar.

 

* * *

 

Oliy o’quv yurtiga kirish uchun imtihon ketyapti. Imtihon oluvchi abiturientdan so’radi:

— Xo’sh, nega endi aynan muallimlik kasbini tanladingiz? Bosh sababini ayting-chi!

— Bosh sababi iyun, iyul, avgust.

 

* * *

 

Muallima o’quvchilarga bo’lishni o’rgatyapti. Doskaga 2: 2 raqamini yozdi-da, so’radi:

— Bolalar, bu nimani anglatadi?

Orqa partada o’tirgan bir o’quvchi bor ovozda baqirdi:

— Durangni!

 

* * *

 

Ona qiziga dedi:

— Mendan ibrat ol! Mana, 20 yil bo’ldi turmushga chiqqanimga. Haliyam faqat bir kishini sevaman.

— Ha-a, tasavvur qilaman. Dadam bilib qolsa, katta janjal bo’ladi-da, oyi!

 

* * *

 

— Xotinjon, changyutkich sotib olish o’rniga, xizmatchi ayol yollay qolaylik!

— Dadasi, unda sovitkich ham sotib olmaymiz. Shuning o’rniga kelishgan bir yigitni yelpigich qilib ishga olamiz.

 

* * *

 

— Hayotda ayolning uchta faol davri bo’ladi.

— Qanaqa?

— Birinchi davr: U otasining asabiga tegadi. Ikkinchi davr: Erining asabiga tegadi. Uchinchi davr: Kuyovning asabini egovlaydi.

 

* * *

 

— Azizim, meni sevasizmi?

— Nima desam ekan? Ha, sevaman.

— O’sha «Nima desam ekan»siz ayting.

— Yaxshi, sevaman.

— «Yaxshi»siz ayting. Yo’q, yaxshisi, «Seni jonimdan ortiq sevaman» deng.

— Seni jonimdan ortiq sevaman.

— Aldayapsiz.

— Aldamayapman. Chunki senga uylanganimdan beri mana shu jonni ko’rishga ko’zim yo’q.

 

* * *

 

— Oilali erkaklar oila qurmaganlariga nisbatan uzoqroq yasharkan. Shu rostmi?

— Yo’q, oilalilarga umr sal uzunroq tuyuladi xolos.

 

* * *

 

— Yaramas! Men senga umrimning eng totli lahzalarini hadya qilgandim! Yoshlik chog’larimni senga bag’ishlabman-a! Umrimni xazon qilding, bildingmi?!.

— Xotinjon, diplom bilan gaplashishni qachon bas qilasan o’zi?

 

* * *

 

Hayvonot bog’i. Leopardlar qafasi yonida xuddi shu jonivor terisidan tikilgan shubali ayol to’xtadi. Shunda leopard urg’ochisiga shipshitdi:

— Ana, endi o’limdan keyingi hayot borligiga ishongandirsan-a, jonim?

 

* * *

 

Ikki do’st katta ko’chada uchrashib qolishdi. Biri ikkita rangli televizor ko’tarib olgandi. Narigisi undan so’radi:

— Nima qilasan ikkita rangli televizorni?

— E, o’zimgamas. Qaynonam «rangli televizor uchun yarim umrimniyam bag’ishlashga tayyorman» degandi.

 

* * *

 

Ikki qariya yoshlik chog’larini yodga olishyapti.

— Qachonlardir bir qiz meni deb hayotini xavf ostiga qo’ygandi.

— Qanaqasiga?

— U «Senga tekkandan ko’ra o’zimni huv anavi daryoga tashlayman» degan.

 

loading…

Reactions

0
0
0
0
0
0
Already reacted for this post.

Добавить комментарий

Ваш адрес email не будет опубликован. Обязательные поля помечены *