Kulgu

BI-IR KULIShMAYMIZMI, TOG’A?..

 

 

***

 

Hujjatlarini tekshirayotgan militsionerga haydovchi asabiy ohangda dedi:

— Tezroq bo’lsangiz-chi, hamkasblaringiz orqamdan quvlab kelishyapti!

 

***

 

Itni kechqurun mashinani qo’riqlash uchun garajga qamab qo’yishdi.

Ertalab kelib qarashsa, garaj devorida shunday yozuv turibdi:

— Itda ayb yo’q. It vovilladi!

 

***

 

Gruzin hayvonot bog’ida kechgacha gorillaning qafasi atrofida aylanib yurdi. Qorong’i tushgach, sekin gorilladan so’radi:

— Vano, senmisan?

 

***

 

Amerika turmasiga yangi mahbuslarni olib kelishgach, ular bir-birlari bilan tanisha boshlashdi.

— Seni nega qamashdi?

— Men Merga qarshi chiqqandim.

— Seni-chi?

— Men ham Merga qarshi chiqqandim. O’zingni-chi?

— Men o’sha merman.

 

***

 

Ruhoniy yosh boladan so’radi:

— Sen ovqat yeyishdan avval ibodat qilasanmi?

— Yo’q, mening oyim mazali ovqat tayyorlaydi.

 

***

Kadrlar bo’limida.

— Oxirgi ish joyingizda qancha ishlagansiz?

— O’n ikki yil.

— Nima uchun u yerdan bo’shab ketdingiz?

— Qamoq muddatim tugagandi.

 

***

 

Ikki kotiba boshliqlarini muhokama qilishyapti.

— Xo’sh, sening boshlig’ing qalay?

— Zo’r. Bir oy avval shuba sovg’a qilgandi. Keyin brilliant uzuk taqdim etdi. Yaqinda… Ishonasanmi, qo’limni so’radi.

— Voy yaramas-ey, pulni tejashni boshlabdi-da!

 

***

Ona maktabda o’qiydigan qiziga dedi:

— Bo’yanishni bas qil! Yaxshisi, kitob o’qi. Senga qanday kitob olib beray?

— “Farzandning huquqlari” degan kitob olib bering!

 

***

 

Yigit:

— Senga o’zim qo’ng’iroq qilaman. Telefon raqamingni aytib yubor!

Qiz: — Telefon kitobchasidan qidirib ko’ring!

Yigit: — Axir, ismi-sharifingni bilmayman-ku!

Qiz: — Ismi-sharifim ham o’sha yerda yozilgan.

 

***

 

Erkak poezdda ketyapti. Qo’lida uch nafar chaqaloq. Kupedosh ayol so’radi:

— Hammasi sizning bolalaringizmi?

— Yo’q, men homiladorlikdan himoya qiluvchi vositalar ishlab chiqaradigan fabrikada ishlayman. Bular jabrdiyda mijozlarimizning shikoyatlari.

 

***

 

Qizaloq onasiga dedi:

— Oyi, toshbaqam o’lib qoldi!

— Hechqisi yo’q, qizim. Biz uni hozir qutichaga joylab ko’mamiz. Keyin tort sotib olib o’rtoqlaringni chaqiramiz-da, toshbaqani xotirlaymiz.

Shu payt toshbaqa sekin qafasdan boshini chiqarib qaradi.

— Qizim, tirik ekan-ku toshbaqang!

— Oyi, keling, bo’g’ib o’ldirib qo’ya qolaylik!

 

***

 

Soat tungi uch. Er-xotin uxlashardi. Eshik taqillab qoldi. Er borish eshikni ochsa, ostonada mast erkak turibdi.

— Yur, oshna, meni turtib yubor!

— Jinni bo’lganmisan? Yarim kechasi-ya? Bor, yo’lingdan qolma!

Er sekin kelib o’rniga yotgandi, xotini so’radi:

— Kim ekan?

— E, bir mast “Yur, meni turtib yubor”deyapti. Haydab yubordim.

— Ie, siz kechasi mashinangizda begona yerda qolib ketsangiz, boshqalar yordam berishadi-ku! Boring, turtib yubora qoling!

Er tashqariga chiqib erkakni chaqira boshladi:

— Hoy, qaerdasan? Turtib yuborishga chiqdim. Qani mashinang o’zi?

— Men bu yerdaman! Halinchakda o’tiribman!

loading…

Добавить комментарий

Ваш адрес email не будет опубликован. Обязательные поля помечены *

Buni o`qib ko`ring
Close
Back to top button
Close