BI-IR KULIShMAYMIZMI, OKA?.. 1

BI-IR KULIShMAYMIZMI, OKA?..

 

 

* * *

 

Erkak katta ko’chada ulkan bochkani yumalatib ketayotgandi. Do’sti ko’rib qolib so’radi:

— Bochkani nima qilasan?

— Tijorat qilmoqchiman.

— Qanaqa tijorat?

— Bugun do’xtirlarga analiz topshirgandim. Ishonasanmi, qonimda katta miqdorda qand moddasi bor emish.

 

* * *

 

120 yoshga kirgan qariyadan jurnalist so’radi:

— Ayting-chi, parhez qilganmisiz?

— Yo’q, duch kelgan ovqatni yeb ketaverganman.

— Unda qandaydir rejimga amal qilgandirsiz?

— Yo’q, tuni bilan uxlamasdan chiqishim ham mumkin edi.

— Unda shuncha yil umr ko’rishingizning siri nimada?

— Mening asablarim mustahkam. Umrimda hech kim bilan bahslashmaganman.

— Bo’lishi mumkinmas.

— Juda to’g’ri aytdingiz. Bo’lishi mumkinmas.

 

* * *

 

Poezd kupesiga to’rt bolasi bilan birga ayol kirib o’tirdi. Bolalar to’polon qilishni boshlab yuborishdi. Jahli chiqqan yo’lovchilardan biri ayolga dedi:

— Biror yerga ketayotgan ayol bolalarining hech bo’lmasa yarmisini uyda qoldirib ketishi kerak.

— Men ham xuddi siz aytganday qilganman.

 

* * *

 

Olisga qatnaydigan yuk mashinasi haydouvchisi yo’l-yo’lakay bir qahvaxonaga kirib tovuq go’shti sotib oldi. Ammo qo’l yuvish uchun chiqqanda, qo’shni stolda o’tirgan uch bezori tovuq go’shtini yeb qo’ydi. Haydovchi hech narsa bo’lmagandek, go’shtning pulini to’ladi-da, chiqib ketdi. Birozdan so’ng bezorilardan biri sotuvchiga dedi:

— Bu yigit juda qo’rqoqqa o’xshaydi. O’zini himoya qila olmasligi aniq. Ko’rinib turibdi.

Sotuvchi:

— Ha, mashina haydashniyam bilmas ekan. Hozirgina yo’l chetida turgan uchta mototsiklni majaqlab o’tib ketdi.

 

* * *

 

Ikki daydi it bolonkani kuzatarkan, biri ikkinchisiga dedi:

— Juda chiroyli ekan!

— E, nimasi chiroyli? Uni suvdan chiqqanda ko’rsayding! Qomat emas, cho’p deysan!

 

* * *

 

Bir homilador ayolga ko’proq muzqaymoq yeyishni maslahat berishgandi. Rentgenga tushayotganda vrach qarasa, ona qornida egizak aka-ukalar jismoniy tarbiya bilan shug’ullanayotganmish va biri ikkinchisiga dermish:

— Hechqisi yo’q, uka, bir amallab qishdan chiqib olarmiz!

 

* * *

 

Bir xorijlik erkak qahvaxonaga kirsa, qog’ozga yozib qo’yishibdi:

1. Qo’y go’shtidan kabob.

2. Qo’y go’shtidan o’zbekcha kabob.

Erkak oshpazdan so’radi:

— Qo’y go’shtidan o’zbekcha kabob deganini qanday tushunsa bo’ladi?

— Bu kabob do’ppiga solib pishiriladi.

 

* * *

 

Qop-qora tunda, qop-qorong’i xonada yotsam, xotinim qop-qora ko’ylak va qop-qora shippakda oldimga kirib kelib baqira ketdi:

— Umrimning eng yorug’ lahzalarini qaytarib bering!

 

* * *

 

Qizil Shapkacha o’rmonda ketayotgandi. Oldidan bo’ri chiqib qoldi.

— Voy, buncha ko’zlaring katta, bo’rivoy? — dedi Qizil Shapkacha.

Bo’ri shu zahoti qochib qoldi. Qizil Shapkacha yo’lida davom etdi. Bir mahal qarasa, bo’ri daraxt panasida berkinib turibdi.

— Voy, buncha quloqlaring chiroyli, bo’rivoy? — dedi Qizil shapkacha.

Bo’ri yana tiraqaylab qochdi. Qizil Shapkacha yo’lida davom etdi. Ancha yo’l bosib mundoq o’girilsa, bo’ri oq qayin ortida yashirinib turibdi.

— Voy, buncha tishlaring chiroyli, bo’rivoy? — dedi Qizil Shapkacha. Shunda bo’ri uv tortib yubordi.

— Sening dastingdan hojatga chiqib kela olamanmi-yo’qmi-a?

 

* * *

 

Agar kimdir seni «Jinni» deb haqorat qilsa, darrov xafa bo’lma! Oldin yaxshilab o’ylab ko’r. Balki u o’zini tanishtirgandir.

 

BI-IR KULIShMAYMIZMI, OKA?.. 2BI-IR KULIShMAYMIZMI, OKA?.. 3BI-IR KULIShMAYMIZMI, OKA?.. 4

Добавить комментарий

Ваш e-mail не будет опубликован. Обязательные поля помечены *