* * *
Ayol dugonalariga bolalikdagi suratini ko’rsatyapti. Suratda jajji qizaloq keksa kampirning tizzasida kulimsiragancha o’tirardi. Ayol:
— Xo’sh, sizlarga suratim yoqdimi?
— Juda yoqdi… Aytgancha, bu jajji qizaloq kim edi?
* * *
Haydovchi hamkasbiga dedi:
— Men yangi «antiradar» sotib oldim.
— Nima karomat ko’rsatarkan?
— Yo’l patrul xizmati xodimlari turgan yerga 300 metr qolganda «Pulni tayyorla! Pulni tayyorla!» deb baqiradi.
* * *
Bir yigitning o’ziga turmush o’rtog’i qidirayotgani haqidagi e’lonini o’qigan qiz shunday javob xati yozdi:
«Men bajonidil siz bilan uchrashaman. Sizni tanib olishim uchun qo’lingizda qirq oltinchi razmerli ayollar norkali paltosini ushlab turishingizni so’rayman»
* * *
Jinnixonada bir jinni mixning o’tmas tomonini devorga tirab, o’tkir tomoniga bolg’a bilan ura boshlagandi, sherigi dedi:
— Seni jinnixonaga qamab to’g’ri qilishibdi. Axir, bu mix boshqa devorniki!
* * *
— Og’ayni, o’lsam, ta’ziyamga kelasanmi?
— Taklif qilsang, albatta kelaman.
* * *
— Men xuddi odamga o’xshab ketadigan kompyuter yaratdim.
— Xo’sh, nimasi odamga o’xsharkan?
— Agar o’zi xato qilib qo’ysa, boshqa kompyuterga to’nkab turaveradi.
* * *
To’rt yoshga kirib ham tili chiqmagan bolakay bir kuni ovqat mahali gapirib yubordi:
— Bu ovqat eskirib qolibdi.
Hayratdan qotib qolgan ota-onasi undan so’rashdi:
— Voy, shu paytgacha nega gapirmaganding?
— Chunki shu paytgacha eskirgan ovqat yemagandim.
* * *
Xotin eriga dedi:
— Ilgari yonimda bir daqiqagina o’tirsangiz ham sizdan baxtli odam bo’lmasdi!
— Hozir ham shunday!
loading…
