BI-IR KULIShMAYMIZMI?.. 1

BI-IR KULIShMAYMIZMI?..

 

 

* * *

 

— Toshmatvoy, dadang qancha maosh oladi?

— Ikki yuz ming so’m.

— Uyga qanchasini olib keladi?

— Sakson ming.

— Nima balo, matematikani bilmaysanmi?

— Yo’q, siz mening dadamni bilmaysiz.

 

* * *

 

— Nega sen shunchalar erinchoq, dangasa xotin bilan yashayapsan?

— Boshqasini topishga erinaman!

 

* * *

 

Ayol dugonasiga dedi:

— Erim aytganki, agar unga yana xiyonat qilsam, o’zini o’zi osib qo’yarkan. O’shandan beri unga yashirincha xiyonat qilib kelyapman va adashmasam, uni ellik marta o’limdan asrab qoldim.

 

* * *

 

Juhud sherigiga dedi:

— Yur, kafega kirib ovqatlanamiz!

— Gap yo’q. Pulini kim to’laydi?

— Pulinimi? Unda bunday qilamiz. Hov anavi favvora suviga baravar boshimizni tiqamiz. Kim oldin suvdan boshini ko’tarsa, o’sha to’laydi…

Ertasiga gazetalarda shunday e’lon paydo bo’ldi: «Kecha shahardagi favvoralardan biriga ikki juhud yigiti cho’kib ketish natijasida halok bo’ldi».

 

* * *

 

Muallima:

— O’quvchilar! Hech qachon jonivorlarni o’pmanglar! Bu narsa turli kasalliklarga sabab bo’lishi mumkin. Xo’sh, shunga kim yaqqol misol keltira oladi.

Eshmat:

— Men!

— Qani, keltir-chi!

— Xolamning to’tiqushi bor edi. Xolam har kuni uni erkalab o’pardi.

— Keyin-chi?

— Oxiri to’tiqush jinni bo’lib qoldi.

 

* * *

 

Avtodo’kon eshigi tepasidagi e’londan:

— Har bir «Lasetti» sotib olgan odamga sovg’a sifatida bir shishadan limonad taqdim etiladi.

 

* * *

 

Erkak sudyaga dedi:

— Men xotinim bilan ajrashishni xohlayman.

— Nima sababdan?

— Ilgari ishdan kelsam, hovlidagi itimiz hurib menga salom berardi. Xotinim esa darrov qo’limdan sumkamni olardi. Endi esa hammasi aksincha bo’layapti.

 

* * *

 

Yigit sevgan qiziga dedi:

— Yur, kinoga tushamiz!

— E, yaxshisi biznikiga bora qolaylik!

— Senikida nima bor? Baribir, televizoring buzuq-ku!

 

* * *

 

Ayol dugonasiga dedi:

— Kecha menga bir lo’li xotin uchradi. Uning aytishicha, to’rt farzandli bo’larkanman. Lekin birinchi farzandim xunuk, ikkinchisi piyonista, uchinchisi o’g’ri bo’larmish. Faqat to’rtinchi farzandimgina risoladagidek bo’larkan.

— Voy, unda birdan to’rtinchisini tug’ib qo’yaqol!

 

* * *

 

Bolakay buvisiga dedi:

— Buvijon, menga ming so’m berib turing! Pensiyadan qaytaraman!

— Ie, bu nima deganing? Sen pensiyaga chiqquningcha men allaqachon olamdan o’tib ketaman-ku!

— E, men sizning pensiyangizni nazarda tutayapman.

 

* * *

 

Yangi boy Shveysariya bankiga bordi-da, xodimalardan biriga dedi:

— Men bankingizga pul qo’ymoqchi edim.

— Qancha?

Yangi o’zbek xodimaning qulog’iga shivirladi:

— Uch million dollar.

Xodima:

— Balandroq ovozda gapiravering! Bizda kambag’allik ayb hisoblanmaydi.

 

 

Добавить комментарий

Ваш e-mail не будет опубликован. Обязательные поля помечены *