BI-IR KULIShMAYMIZMI?..

 

 

* * *

 

Ayollar shiftga tikilib yotib nima haqida o’ylaydi?

Jazman ayol: «Kelarmikan, kelmasmikan-a?»

Suyuqoyoq: «Xizmat haqini berarmikan, bermasmikan?

Xotin: «Bu er qurib ketmagur shiftni oqlarmikan, oqlamasmikan?

 

* * *

 

Bir mahbus turmadan qochdi. Uni tutib kelib turma boshlig’i kabinetiga olib kirishdi. Boshliq undan so’radi:

— Nega qochding?

— Uylanishni istadim.

— Nima?

— Uylanmoqchi edim.

— Qara-ya, ozodlikni qiziq tasavvur etarkansan.

 

* * *

 

Er gazetada qaysidir mashhur aktrisa sportchiga turmushga chiqqani haqidagi xabarni o’qib xotiniga dedi:

— Nega qayoqdagi anqov, ahmoq erkaklarga dunyoning eng go’zal qizlari uchraydi-a?

Xotin eriga mehr bilan boqib, so’ngra o’zini ko’zguga solib dedi:

— Rahmat, azizim!

 

* * *

 

Tong. Xotin eridan so’radi:

— Dadasi, nega kechasi uyqu orasida Nadyaxon, Nadyaxon deb baqirib chiqdingiz?

— Aytsam ishonmaysan. Tushimda men Lenin emishman!

 

* * *

 

Yarim kechasi xotin erini uyg’otib so’radi:

— Karavot ostida sichqon nimanidir qitirlatayotganday bo’lyaptimi?

— Nima qilay shunga? Miyovlaymi?

 

* * *

 

Er xotiniga dedi:

— Jonim, iltimos, uchta so’z aytgin, men xursandligimdan yettinchi osmonda yurganday bo’lay!

— Marhamat, arqon shkafda.

 

* * *

 

Xotin:

— Dadasi, men to’satdan o’lib qolsam, nima qilardingiz?

— Nima qilardim? Dafn etardim.

— Keyin-chi?..

— Keyinmi?.. Umid qilamanki, keyin meni oqlashadi.

 

* * *

Xotin:

— Dadasi, baliqlar dunyodagi eng noshud, ahmoq jonzot emish. Shu rostmi?

— Rost, o’zimning baliqcham, rost!

 

* * *

Ofitsiantka erkak mijozdan so’radi:

— Nega kennoyim manavi ichimliklardan ichmayapti?

— U mening qonimni ichadi, singlim.

 

* * *

 

Xotin eriga dedi:

— Ilgarilari siz ovqatingizning ozginasini yeb, qolganini menga berardingiz. Endi bo’lsa, hammasini o’zingiz yeb qo’ymoqdasiz. Nima, endi meni sevmay qoldingizmi?

— Yo’q, sen mazali ovqat tayyorlay boshlading.