Siz uchun eng ideal turmush qurish taklifi qanday? Albatta go’zal tabiat qo’ynida, betakror manzarani ko’z oldingizga keltirasiz. Sevgan insoningiz bilan sayr qilmoqdasiz va birdan… O’sha ajoyib daqiqa qurshovida qolasiz. Oshiq asta sekin bitta tizzasiga tayanib o’tiradi va cho’ntagidan qimmatbaho qutini chiqaradi. Uning ichida esa yaltiroq, olmos uzuk…
Lekin nega aynan olmos uzuk beriladi? Har kimdan so’rang va u sizga bu haqda eshitgan turli tuman afsonalarini aytib beradi. Qadimdan olmos poklik belgisi hisoblanib kelgan.
Lekin aslida hammasi bir oz o’zgacharoq edi. 1938 yilda De Birs taqinchoqlar kompaniyasi olmos bilan ishlashni boshladi va keng miqyosli reklamasini ommaga namoyish qildi. Reklamada aynan olmos bilan bezatilgan uzuk muhabbat izxor qilishning eng yaxshi usuli ekanligi aytib o’tildi. Aynan shunday holatda sevgilingiz aslo rad javobini bera olmaydi.
Bu reklama ommaviy tarzda qanchalik tez tarqalgani hayratlanarli. Bu reklama aslida butun dunyoda keng tarqalgan to’y an’analaridan birini kelib chiqishiga sabab bo’ldi.
