Ispartadan 50 km uzoqlikda Toros etagidagi qishloqni tasavvur qiling, bor-yo’g’i 250 nafar aholi istiqomat qiladi. Bu qishloqning nomi Kuyujak qishlog’i bo’lib, Turkiyadagi lavanta yetishtirishning 90% i shu qishloqdan olinadi.

Yillar oldin qurg’oqchil va bo’m-bo’sh dalalardan iborat bo’lgan Kuyujak qishlog’ida ekilgan lavandalar bugungi kunda 3000 gektarga yetdi va lavanda mavsumida kichik qishloq bo’ylab sayohat avtobuslari yo’lga qo’yildi.

Turkiyaning lavanda jannati – Kuyujak

Maxsus tayyorgarlikdan o’tgan qishloq ahli bugun lavandachilikning ustasiga aylandi. Bu go’zallikdan xabardor bo’lganlar ushbu go’zallikni o’tkazib yubormaydilar va Kuyujak qishlog’i har yili tashrif buyuruvchilar bilan to’lib-toshgan.

Lavandaning xushbo’y hidi anqib turadigan qishloqda muqobil turizmga mos ravishda faoliyat kuchaytirildi. Qishloq ahlining lavanda suvi, muzqaymoq, terini parvarish qilish vositalaridan tortib suvenirlargacha ko’plab mahsulotlari sotuvga qo’yildi.

Turkiyaning lavanda jannati – Kuyujak

Lavanda o’simligi nafaqat o’zining go’zal ko’rinishi va yoqimli hidi, balki dorivor xususiyatlari bilan ham mashhurdir. Agar siz ushbu davrda Lavanda qishlog’iga tashrif buyursangiz, nafaqat o’z qo’llaringiz bilan lavanda yig’ish imkoniyatiga ega bo’lishingiz, balki qishloqda ishlab chiqarilgan lavanta suvi, lavanda choyi va lavanda yog’i kabi ko’plab tabiiy mahsulotlarni xarid qilishingiz mumkin.

Turkiyaning lavanda jannati – Kuyujak

Bundan tashqari, lavandali muzqaymoq, lavanda keksi, lavanda pishiriqlari va lavanda qahvasini tatib ko’rishingiz mumkin.