Go’zallik ideal darajada bo’lishi uchun zamonaviy odamlar operatsiya stoliga yotishga tayyor, jarrohlar esa odamlarda tanib bo’lmas darajada mo’jiza sodir etishadi. Biroq, bunday operatsiyalarni qildirishdan oldin, moda tez o’zgaruvchan ekanligini unutib qo’ymang.
Kaftdagi chiziqlarni o’zgartirish
Yaponiyada xiromantiya hozirgi kunlarda ham taqdirni bilishning mashhur fol ochish usullaridan biri, odamlar esa taqdirlarini o’zgartirishning yangi yo’lini topdi. Bu juda oddiy, shunchaki kaftdagi chiziqlarni o’zgartirishadi. Bunga kerak bo’ladigan narsa plastika jarrohi, elektrik skalpel va biroz xiromantiya bilimlari. Jarayon odatda 15 daqiqa vaqt oladi, bu vaqtda 5-10 tagacha chiziqlar o’zgartirilishi mumkin
Ko’zni o’zgartirish
Kosmetik jarrohlik ayol tanasining deyarli hamma joyini o’zgartirishi mumkin. Shunga qaramasdan hozirgacha yagona o’zgarmaydigan narsa ko’zlar qolgan edi, uning rangini igna bilan ham o’zgartirib bo’lmas edi. Ko’z rangini o’zgartirmoqchi bo’lganlar shunchaki linza taqar edi. Biroq shifokor Kennet Rozental ko’zning turli defektlarini o’zgartirish yo’lini topdi (geteroxromiya, ko’z albinizmi va h.z.), shu bilan bir qatorda ko’z kamalagi qatlamiga sun’iy implantatsiyani ham. Bundan ko’z rangini o’zgartirmoqchi bo’lgan odamlar foydalanadi. Sun’iy kamalak bu toksik bo’lmagan, ko’z linzalarida ishlatiladigan, xavfsiz silikondan yasalgan. U egiluvchanligi sababli, uni buklab, kichik kesim orasidan kirgizib, keyin ko’z ustiga yoyish mumkin. Brightocular veb-saytiga qaraganda, jarayon “tez, xavfsiz va og’riqsiz” va har bir ko’z uchun atigi 15 daqiqadan oladi. Shu bilan birga BrightOcular xabar berishicha implant kerakli hollarda yoki patsientning xohishiga ko’ra istalgan paytda olib tashlanishi mumkin.
Oyoq korreksiyasi
Kosmetik jarohlik oyoqlarga ham yetib bordi. Shifokor Oliver Zong NYC Footcare jarrohlik direktori oyoqning tanlangan joylari jarrohligida mutaxassis. Shunga qaramasdan Zong “oyoqni cho’zish” operatsiyalarini ham o’tkazadi, u o’z ichiga, oyoq barmoqlarini qisqartirish ya’ni ularning ko’rinishini yaxshilash operatsiyalarini ham oladi. Nyu-Yorkning Footcare klinikasi bu sohada yolg’iz emas. Oyoq xiruriyasi, barmoqlarni kaltalatish va yog’ni chiqarib olish yiliga 45 million dollar daromad keltiradi. Ammo ba’zi shifokarlar bunday operatsiyalarni etika to’g’ri kelmaydi va oqibatlari yomon bo’lishi mumkin deb hisoblaydi. Masalan, noto’g’ri operatsiya qilinganda oyoq barmoqlarining deformatsiyasi yuz berishi shular jumlasidandir.
Pokerfeys
Pokerning professional o’yinchilari hissiz yuzni saqlab qolish qanchalar muhimligini juda yaxshi bilishadi. Nyu-Yorkli doktor Jek Berdi “Pokertox” degan xizmatni taklif etadi. Jarayon shundan iboratki, yuzning hissiyot va tuyg’ularni ko’rsatadigan joylariga boteks sepib chiqiladi va mijoz nimani his qilayotganini bilib bo’lmaydi. Bunday operatsiya o’rtacha 600$ dan 800$ gacha narxlanishi mumkin, natija esa 3 oydan 4 oygacha saqlanib qoladi.
Og’iz burchaklarini ko’tarish
Ushbu tendensiya Osiyoda juda mashhur bo’ldi. Bu lablar chetlarini kichkina kesib, natijada og’iz burchaklarini ko’tarilishidan iborat. Bunday kosmetik xirurgiya lab chetlari pastga qaragan mijozlarda keng qo’llaniladi.
Qovoqlarni yo’qotish
Janubiy Koreya ayollari g’arb madaniyatiga shunchalik berilib ketganki, ikki qovoq operatsiyalarini qilib, g’arblik odamlarga o’xshashga harakat qilmoqda. Bu operatsiya, tish shifokoriga borgandek oson bo’lib qoldi. Bundan tashqari Janubiy Koreya Brazilyadan o’zib ketib, kishi boshiga qilinadigan operatsiyalar soni bo’yicha oshib ketdi. Ushbu jarrohlik operatsiyasi ko’zning yuqori burchaklarini kesib, ularni kattaroq va dumaloqroq qilishdan iborat.
loading…
